ކ. މާލެ
|
13 ނޮވެންބަރ 2019 | ބުދަ 15:50
އޮނަރަބަލް އިސްމާއިލް ފަތުހީ
އޮނަރަބަލް އިސްމާއިލް ފަތުހީ
އޮޑިޓަރ ޖެނެރަލް އޮފީސް
އެކައުންޓިންގ ދާއިރާ
އެކައުންޓިންގ ދާއިރާއިން ލައިފް ޓައިމް އެޗީވްމަންޓް އެވާރޑް އިސްމާއިލް ފަތުހީއަށް
 
ރާއްޖޭގައި "ބުކް ކީޕިންގ" ދިވެހި ބަހުން އެންމެ ފުރަތަމަ ކިޔަވައިދެއްވީ އޭނާ
 
އެވޯޑް ހަވާލުކޮށްދެއްވީ ފިނޭންސް މިނިސްޓަރ އިބްރާހިމް އަމީރް
 
ސިއްހީ ހާލުކޮޅު ހުރިގޮތުން ރަސްމިއްޔާތަށް ވަޑައިނުގެންނެވުނު

އެކައުންޓިންގ ދާއިރާއިން ގިނަ ދުވަހު މަސައްކަތް ކޮށްދެއްވާފައިވާ ފަރާތްތަކަށްދޭ "ލައިފްޓައިމް އެޗީވްމަންޓް އެވޯޑް" ކުރީގެ އޮޑިޓަރ ޖެނެރަލް އިސްމާއިލް ފަތުހީއަށް އަރުވައިފިއެވެ.

އޮޑިޓަރ ޖެނެރަލް އޮފީހުގެ ފަރާތުން ބުދަ ދުވަހު ބޭއްވި ޚާއްސަ ރަސްމިއްޔާތެއްގައި މި އެވޯޑް ހަވާލުކޮށްދެއްވީ މިނިސްޓަރ އޮފް ފިނޭންސް އެންޑް ޓްރެޜަރީ އިބްރާހިމް އަމީރެވެ. ސިއްހީ ހާލުކޮޅު ހުރިގޮތުން ރަސްމިއްޔާތަށް ވަޑައިނުގެންނެވުމުގެ ސަބަބުން މި އެވޯޑާއި ހަވާލުވެވަޑައިގެންނެވީ އިސްމާއިލް ފަތުހީގެ ދަރިކަލުން މުހައްމަދު ފަތުހީއެވެ.

އިސްމާއިލް ފަތުހީގެ ދަރިކަލުން މުހައްމަދު ފަތުހީ އެވާރޑާއި ހަވާލުވެވަޑައިގަންނަވަނީ

ލައިފްޓައިމް އެޗީވްމަންޓް އެވޯޑްގެ އިތުރުން އޮޑިޓަރ ޖެނެރަލް އޮފީހުގެ ފަރާތުން "ފާދަރ އޮފް އެކައުންޓިންގ ޕްރޮފެޝަން" ގެ ލަޤަބުވެސް ފަތުހީއަށް ވަނީ އަރުވާފައެވެ. ފަތުހީ ވަނީ ދިވެހިރާއްޖޭގެ އޮޑިޓަރ ޖެނެރަލްގެ މަގާމު ނޮވެމްބަރު 1993 އިން ފެށިގެން 2008 ވަނަ އަހަރާ ހަމައަށް ފުރުއްވާފައެވެ.

ދިވެހި ދައުލަތުގެ ފައިސާ ބެލެހެއްޓުމުގެ ނިޒާމު ހަރުދަނާ ކުރުމުގައި ގިނަގުނަ ޚިދުމަތްތަކެއް ކުރައްވާފައިވާ ފަތުހީއަކީ ބޭންކް އޮފް މޯލްޑިވްސް އުފައްދައި ހިންގެވުމުގައިވެސް ސަރުކާރަށް ލަފާދެއްވައި އެ މަސައްކަތުގައި އުޅުއްވި ފަރާތެކެވެ. އޭގެ އިތުރުން، ދިވެހި ރާއްޖޭގައި އޭ.އޭ.ޓީ ތައާރަފް ކުރެއްވުމުގައި އިސް ރޯލެއް އަދާކުރައްވާފައިވާއިރު، ރާއްޖޭގައި "ބުކް ކީޕިންގ" ދިވެހި ބަހުން އެންމެ ފުރަތަމަ ކިޔަވައިދެއްވަން ފެއްޓެވީވެސް އޭނާއެވެ.

ފަތުހީއަކީ ޔުނިވަރސިޓީ އޮފް ބޮމްބޭއިން ކޮމަރސްގެ ދާއިރާއިން ބެޗަލަރސް ޑިގްރީ ހާސިލްކުރައްވައިގެން ހުރި ބޭފުޅެކެވެ. ފަތުހީ ފުރުއްވާފައިވާ ބައެއް މަގާމުތަކުގެ ތެރޭގައި ނެޝަނަލް ޕްލޭނިންގ އެޖެންސީ އަދި މިނިސްޓްރީ އޮފް ފިނޭންސްގެ ޑިރެކްޓަރުގެ މަގާމާއި އެމްއެމްއޭގެ ވައިސް ގަވަރުނަރުގެ މަގާމުވެސް ހިމެނިވަޑައިގަންނަވައެވެ. އޭގެ އިތުރުން ރާއްޖޭގެ ފުރަތަމަ އޮޑިޓް ބިލް ޑްރާފްޓް ކުރެއްވުމުގައިވެސް ފަތުހީ ވަނީ އިސްރޯލެއް އަދާކުރައްވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
100%
0%
0%
0%
0%
ކޮމެންޓް