ހޮނިހިރު 07 ޑިސެންބަރު 2019
11 ދޮށަ
1441 ރަބީޢުލްއާޚިރު 10
ފަތިސް 04:42
އިރުއަރާ 05:58
މެންދުރު 12:01
އަސްރު 15:22
މަޣްރިބް 17:56
އިޝާ 19:13
ދުނިޔެ - ސައުދީ އަރަބިއާ

ރިޔާދުގައި އޮތް މިއުޒިކް ޝޯއެއްގެ ތެރެއިން ތިން މީހެއްގެ ގަޔަށް ވަޅި ޖަހައިފި

  • ހާދިސާގައި އަނިޔާވި މީހުންގެ ހާލު ރަނގަޅު
  • ވަޅި ޖެހުމުގެ ތުހުމަތުގައި ހައްޔަރުކޮށްފައިވަނީ ޔަމަނަށް ނިސްބަތްވާ 33 އަހަރުގެ ފިރިހެނެއް
  • ހާދިސާ ހިނގާފައިވަނީ ރިޔާދުގައި ހުންނަ ކިންގް އަބްދުﷲ ޕާކް ތެރޭގައި

އަމަން ހަލީމް
soupized

ކ. މާލެ 12 ނޮވެންބަރު 2019 | އަންގާރަ 17:21 7,100

ޝޯގެ ތެރެއިން ވަޅި ޖަހަން އުޅުނު ވަގުތެ ނަގާފައިވާ ސްކްރީންޝޮޓެއް - ޓްވިޓަރ

ސައުދީ އަރިބިއާގެ ވެރިރަށް ރިޔާދުގައި ކުރިއަށް ދިޔަ ލައިވް މިއުޒިކް ޝޯއެއްގައި ޕަރފޯމް ކުރަން ތިބި ތިން މީހެއްގެ ގަޔަށް ވަޅި ޖަހައިފިއެވެ.

ހޯމަ ދުވަހު ހިނގި މި ހާދިސާގައި އެ ތިން މީހުންނަށް އެކި ވަރުގެ އަނިޔާ ލިބިފައިވާއިރު، އެ އެންމެންގެ ހާލުވެސް ރަނގަޅު ކަމަށް ސައުދީ ދައުލަތުގެ މީޑިއާ އެސްޕީއޭ އިން ވަނީ ރިޕޯޓްކޮށްފައެވެ. މި ހާދިސާ ހިނގާފައިވަނީ ރިޔާދުގައި ހުންނަ ކިންގް އަބްދުﷲ ޕާކް ތެރޭގައެވެ.

ވަޅި ޖެހި މީހާ ފުލުހުންގެ ބެލުމުގެ ދަށަށް ގެންގޮސް ހައްޔަރުކޮށްފައިވާ އިރު، އެ މީހާއަކީ ޔަމަނަށް ނިސްބަތްވާ 33 އަހަރުގެ މީހެއް ކަމަށް ފުލުހުންނާ ހަވާލާދީ މީޑިއާތަކުން ރިޕޯޓްކޮށްފައިވެއެވެ. އޭނާ މި ހަމަލާދިން ސަބަބެއް މިހާތަނަށް ދެނެގަނެވިފައެއް ނުވެއެވެ.

ރިޔާދުގައި އޮތް މިއުޒިކް ފެސްޓިވަލަކީ، އެ ގައުމުގެ އިގްތިސާދު ޑައިވަރސިފައިކޮށް، ތެލަށް ބަރޯސާވެފައި އޮތް އޮތުން ކުޑަކުރުމުގެ ގޮތުން ކުރާ މަސައްކަތުގެ ތެރެއިން ހަރަކާތެކެވެ. މިއީ ސައުދީ ވަލީއަހުދު މުހައްމަދު ބިން ސަލްމާންގެ އިސްނެންގެވުމެއްގެ ތެރެއިން ކުރިއަށްދާ ހަރަކާތްތަކެކެވެ.

ވަލީއަހުދުގެ މި ބަދަލުތަކަށް ޒުވާނުންގެ ތެރެއިން ގިނަ ބައެއްގެ ތާއީދު އޮތް ނަމަވެސް، މި ބަދަލުތައް ބަލައި ނުގަންނަ ބަޔަކު އެބަ ތިބިކަމަށް ސައުދީ އޮފިޝަލުން ވަނީ މީގެ ކުރިންވެސް ބުނެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް