ކާމިޔާބު ކަމާއެކު ''ސާފު އަރިއުތުރު'' ނިންމާލައިފި
2 ނޮވެމްބަރު 2019 | ހޮނިހިރު 16:28500 އަށް ވުރެ ގިނަ މީހުން ބައިވެރިވި
ސާފު ކުރުމުގެ ޕްރޮގްރާމްގެ ބައިވެރިންތަކެއް
އއ. އުތުރުބުރީ ކައުންސިލުން އިސްނަގައިގެން އެ އަތޮޅުގެ ރަށްތަކަށް އަމާޒުކޮށްގެން ''ސާފު އަރި އުތުރު'' ގެ ނަމުގައި ފެރިދޫ ގައި ކުރިޔަށް ގެންދިޔަ ސާފުކުރުމުގެ ޕްރޮގްރާމެއް ނިންމާލައިފިއެވެ.
ހޮނިހިރު ދުވަހު ހެނދުނު ނުވަޔަކުން ހަވީރު ހަތަރަކަށް ކުރިޔަށް ގެންދިޔަ ސާފުކުރުމުގެ ޕްރޮގްރާމްގައި ގާތްގަނޑަކަށް 550 މީހަކު ވަނީ ބައިވެރިވެފައެވެ. އޭގެ ތެރޭގައި، އެ އަތޮޅުގެ މީހުންގެ އިތުރުން ކައިރި ރިސޯޓުތަކުގައި މަސައްކަތްކުރާ މުވައްޒަފުން ހިމެނެއެވެ. ޖުމްލަ އަށް ގްރޫޕް އަށް ބަހާލައިގެން ކުރިޔަށް ގެންދިޔަ އެ ހަރަކާތުގައި ކޮންމެ ޓީމަކުންވެސް ވަނީ ގިނަ އަދަދެއްގެ ކުނި ހޮވާފައެވެ.
އޭގެ ތެރޭގައި ގިނައިން ހިމެނެނީ ޕްލާސްޓިކްގެ ބާވަތްތަކެވެ. އެ ހުރިހާ ކުނިތަކެއް ނައްތާލާން ނިންމާފައިވަނީ ރައްކާތެރި ގޮތުގައެވެ. އއ. އަތޮޅު ކައުންސިލުން ބުނީ، އެ އަތޮޅުގައި ގިނަ ބަޔަކު އެއްވެގެން ފުރަތަމަ ފަހަރަށް ހިންގި އެފަދަ ހަރަކާތަކަށް ބަލާއިރު ވަރަށް ބޮޑު ތަރުހީބެއް ލިބިފައިވާ ކަމަށާއި، އަދި ފެރިދޫ އިން މެހެމާނުންނަށް ކިޔާފައިވަނީ ހޫނު މަރުހަބާއެއް ކަމަށެވެ.
ސާފުކުރުމުގެ ޕްރޮގްރާމްގައި ބައިވެރިވި ހުރިހާ ފަރާތްތަކަށް ސެޓްފިކެޓް ދީފައިވާއިރު، އަތޮޅު ކައުންސިލުން ވަނީ ފެރިދޫގައި ކުނިއުކާލުމަށް ފިކަޕެއް ހަދިޔާ ކޮށްފައެެވެ.
އަތޮޅު ކައުންސިލްގެ ވިސްނުމަކީ ކޮންމެ އަހަރަކު އެއް ފަހަރު އަތޮޅުގެ ކޮންމެވެސް ރަށެއްގައި އެ ޕްރޮގްރާމް ހިންގުމެވެ.
