ބްލަންކްގެ ދެވަނަ ޝޯރޫމް ހުޅުމާލޭގައި ހުޅުވައިފި

ވެލިގާ ހާޑްވެއަރ އިން ބްލަންކްގެ ދެވަނަ ޝޯރޫމް ހުޅުމާލޭގައި ހުޅުވައިފިއެވެ.

މި ޝޯރޫމް ހުޅުވާފައިވަނީ ބުރާސްފަތި ދުވަހުގެ ރޭ ހުޅުމާލޭގެ ނިރޮޅުމަގުގައި ހުޅުވާފައިވަނީ (ޔޫރޯ ސްޓޯރ) ކުރިމަތީގައެވެ.

ރާއްޖެއެމްވީއަށް މައުލޫމާތު ދެއްވަމުން ވެލިގާ ގެ ޑިރެކްޓަރ އައްބާސް މުހައްމަދު ވިދާޅުވީ މިފަހަރު ޝޯރޫމް ހުޅުވާފައިވަނީ ސެނިޓަރީވެއާ އާއި ހޯމް ރޭންޖްގެ ސާމާނުތަކަށް ހާއްސަކޮށްގެން ކަމަށާއި ޝޯރޫމް ހުޅުވުމާއި ދިމާކޮށް ވަރަށް ގިނަ ގޭބީސީތަކަށް ހާއްސަ ވައުޗަރތަކެއް ބަހާފައިވާނެ ކަމަށެވެ. އަދި ޝޯރޫމް އިން ވެސް މިހާރު ހާއްސަ ޕްރޮމޯޝަނެއް ފަށާފައިވާ ކަމަށް އޭނާ ވިދާޅުވިއެވެ.

ބްލަންކްއަކީ ފާޚާނާ އަށް ބޭނުންވާ ސާމާނާއި ބަދިގެ އަދި ގޭތެރެ ޑިޒައިން ކުރުމަށް ބޭނުންވާ ހުރިހާ ސާމާނެއް ފޯރުކޮށްދޭ ބްރޭންޑެކެވެ. ދުނިޔޭގެ ފެންވަރުގައި ފާހަގަ ކޮށްލެވޭ ބްރޭންޑްތަކުގެ އިސްކުރާއި ޝަވަރާއި ފާޚާނާގެ ސާމާނާއި އެކި ޑިޒައިންތަކުގެ ލައިޓް ފަދަ އެތައް ޕްރޮޑަކްޓެއް އެ ޝޯރޫމުން ލިބެން ހުރެއެވެ.

އޭގެ ތެރޭގައި ވީއާރްއެޗް، މެޑްކާ، ޑަސް، ސްޓާ، ހޮއީ އަދި އޮސްލެޑާގެ އުފެއްދުންތައް ވެސް ހިމެނެއެވެ. ޝޯރޫމް ޑިޒައިން ކޮށްފައި ވަނީ ގެދޮރު ހެދުމަށާއި ގެސްޓް ހައުސް އަދި ރިސޯޓުތަކަށް ބޭނުންވާ ހުރިހާ ސާމާނެއް އެއް ފުރާޅެއްގެ ދަށުން ފަސޭހަ އިން ގަނެވޭ ގޮތަށެވެ.