ހޯމަ 27 ޖެނުއަރީ 2020
9 ހުވަން
1441 ޖުމާދުލް އާހިރަތު 02
ފަތިސް 05:04
އިރުއަރާ 06:19
މެންދުރު 12:23
އަސްރު 15:42
މަޣްރިބް 18:18
އިޝާ 19:33
ދުނިޔެ - ސައުދުލް ހަރީރީ

ލުބްނާންގެ ބޮޑު ވަޒީރު އިސްތިއުފާ ދެއްވައިފި

  • ސަރުކާރު އިސްތިއުފާއަށް ގޮވާލާ ލުބްނާންގައި މުޒާހަރާކުރާތާ ދެ ހަފްތާވެއްޖެ

އައިޝަތު ޝާނީ
Shaaknee

ކ. މާލެ 29 އޮކްޓޯބަރ 2019 | އަންގާރަ 19:57 3,717

ލުބްނާންގެ ބޮޑު ވަޒީރު އިސްތިއުފާ ދެއްވާފައިވަނީ އަންގާރަ ދުވަހު - އީޕީއޭ

ލުބްނާންގެ ބޮޑު ވަޒީރު ސައުދުލް ހަރީރީ އިސްތިއުފާ ދެއްވައިފިއެވެ.

އިސްތިއުފާ ދެއްވަމުން ހަރީރީ ވިދާޅުވީ، އެ ފަދައިން ނިންމެވީ ދެން ހަދާނެ އިތުރުގޮތެއް ނެތުމުންކަމަށެވެ.

އަންގާރަ ދުވަހު ހަރީރީ އިސްތިއުފާ ދެއްވާފައިވާއިރު، ސަރުކާރު އިސްތިއުފާއަށް ގޮވާލާ ލުބްނާންގައި މުޒާހަރާކުރާތާ ދެ ހަފްތާ ވަނީވެފަ އެވެ.

މި މުޒާހަރާތައް ފެށުނީ އައު ޓެކްސްތަކެއް ތަޢާރަފުކުރާނެކަން އިޢުލާންކުރުމާއި ގުޅިގެންނެވެ. މި އިއުލާންކޮށްފައިވަނީ 17 އޮކްޓޫބަރުގައެވެ.

ހަރީރީ އިސްތިއުފާ ދެއްވާފައި މިވަނީ، ސެންޓްރަލް ބޭރޫތުގައި ހުންނަ ކޭމްޕް ސައިޓަކަށް ހިޒްބުﷲ ޖަމާއަތަށް ތާއީދުކުރާ ގްރީޕަކުން ހަމަލާދިންތާ ގަޑި އިރުތަކެއް ފަހުންނެވެ.

ރިޕޯޓްތައް ބުނާގޮތުން އެ ކޭމްޕްސައިޓްގައި ތިބީ މުޒާހަރާގެ ބައިވެރިންނެވެ. އަދި މި ހަމަލާ ދީފައި މިވަނީ މަގުތައް ހުޅުވަން ޖެހޭކަމަށް ހިޒްބުﷲ ގެ ލީޑަރު ހަސަން ނަސްރަﷲ ވިދާޅުވެފައިވަނިކޮށެވެ.

މީގެ އިތުރުން، މުޒާހަރާކުރާ ފަރާތްތައްކަމަށް ފަންޑް ކުރަނީ ބޭރުގެ ދުޝްމަނުންކަމަށް ނަސްރަﷲ ވަނީ ތުހުމަތު ކުރައްވާފައެވެ.

ހަރީރީ އިސްތިއުފާ ދެއްވިކަން އިއުލާން ކުރެއްވުމުން، ގިނަ ބައެއް ވަނީ މަގުމަތީގައި އުފާ ފާޅުކޮށްފައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް