އަމާޒަކީ 2023ގެ ކުރިން 70 ޕަސެންޓް ރިނިއުބަލް އެނާރޖީއަށް ބަދަލުކުރުން: ފެނަކަ
28 އޮކްޓޯބަރު 2019 | ހޯމަ 14:23ދިގުމުއްދަތަކަށް ބަލައިފިނަމަ ރިނިއުބަލް އެނާރޖީއިން ލިބޭ ފައިދާ ބޮޑުވާނެ ކަމަށް ވިދާޅުވި
އެންވަޔަރަމަންޓް އެންޑް ކައިމެޓް ޗޭންޖް ކޮމިޓީގެ ސަބް ކޮމިޓީ
އަމާޒަކީ 2023 ވަނަ އަހަރު އަންނަން ވާއިރަށް ފޯރުކޮށްދޭ ކަރަންޓްގެ 70 ޕަސެންޓް ރިނިއުބަލް އެނާރޖީއަށް ބަދަލުކުރުންކަމަށް ފެނަކަ ކޯޕަރޭޝަނުން ބުނެފި އެވެ.
ކަރަންޓް ބިލް ޑްރާފްޓް ކުރުމަށް ހޮއްވެވި ސަބް ކޮމިޓީގައި ކަރަންޓް ބިލް ޑްރާފްޓް ކުރުމާއި ގުޅޭގޮތުން ފެނަކަ ކޯޕަރޭޝަންގެ ޑިރެކްޓަރ އަބްދުﷲ ނާޝިތު ވިދާޅުވީ އަމިއްލަ ބެޖެޓުންވެސް 10 ރަށެއްގައި ރިނިއުބަލް ސޯސްއަށް ދާން ޕްލޭންތައް ކުރެވި ޑްރާފްޓް ކުރުމުގެ މަސައްކަތް ކުރިއަށްދާ ކަމަށެވެ.
މީގެއިތުރުން ކޮންޓްރެކްޓަރ ފައިނޭންސްގެ އުސޫލުންވެސް އެކަމަށް ޝައުގުވެރިވާ ބޭރުގެ ފަރާތްތަކަށް ޕްރޮޕޯސަލްތައް ހުށަހެޅުމަށް ތައްޔާރުވަމުންދާ ކަމަށާއި މިހާރު އުފައްދާ ކަރަންޓް ޔުނިޓަކަށް ޖެހޭ އަދަދަށްވުރެން ދަށްވާ ނޫނީ އެއް ލެވެލްއަކަށް ގެނެވޭނަމަ އެފުރުސަތު ދޭގޮތަށް ހަމަޖައްސާނެކަމަށް ވިދާޅުވިއެވެ. އަދި އެ މަސައްކަތް އެވަޔަރަމަންޓް މިނިސްޓްރީ އާއި ފިނޭންސް މިނިސްޓްރީ ގުޅިގެން ކުރިއަށްގެންދިއުމަށް ހަމަޖެހިފައިވާ ކަމަށް ވިދާޅުވިއެވެ.
ނާޝިތު ވިދާޅުވީ ކެޕިޓަލް އިންވެސްޓްމަންޓަށް ބަލާއިރު ރިނިއުބަލް އެނާރޖީ އިންވެސްޓް ބޮޑު ކަމަށާއި ނަމަވެސް ދިގު މުއްދަތަށް ބަލާނަމަ ރިނިއުބަލް އެނާރޖީއަށް ދިއުމުން އޮޕަރޭޝަނަލް ކޮސްޓް ވަރަށް ބޮޑުތަން ދަށްވެގެންދާނެ ކަމަށެވެ. އަދި ލިބޭފައިދާ ބޮޑުވެގެންދާނެ ކަމަށް ނާޝިތު ވިދާޅުވިއެވެ.
