އަދީބު ފިއްލަވަން މަސައްކަތްކުރެއްވި ޓަގްބޯޓުގެ ކެޕްޓަނަށާއި އިންޖިނިއަރަށް ޖަލު ހުކުމެއް!
ދެ މީހުން ވެސް ވަނީ ކުށަށް އިއުތިރާފްވެފައި
ވާގޯ 9 ޓަގްބޯޓު
ކުރީގެ ނައިބު ރައީސް އަހްމަދު އަދީބް ފިއްލަވަން މަސައްކަތް ކުރެއްވި ޓަގް ބޯޓުގެ ކެޕްޓަނަށާއި އިންޖިނިއަރަށް ޖަލު ހުކުމެއް އިއްވައިފިއެވެ.
ކޯޓު އަމުރެއްގެ ދަށުން އަދީބުގެ ޕާސްޕޯޓް ހިފަހައްޓާފައިވަނިކޮށް، ޓަގްބޯޓުގައި ފިއްލަވަން އުޅުއްވަނިކޮށް ހިފަަހައްޓާފައިވަނީ މިއަހަރުގެ އޮގަސްޓް މަހުގެ އެއްވަނަ ދުވަހުގައެވެ. "ވާގޯ 9" ޓަގްބޯޓު އިންޑިއާ ސިފައިންގެ ބެލުމުގެ ދަށަށް ގެންގޮސްފައިވަނީ ޓުޓިކޮރިންއާ ދިމާލުންނެވެ.
މިދިޔަ ބުރާސްފަތި ދުވަހު ކްރިމިނަލް ކޯޓުން އިއްވީ ތިން މަހާއި 18 މަސް ދުވަހުގެ ޖަލު ހުކުމެކެވެ. އެ ދެ މީހުންގެ މައްޗަށް ސާބިތުވީ ގާނޫނު ހިންގަން ހުރަސް އެޅުމުގައި ބައިވެރިވީކަމުގެ ދައުވާއެވެ. އިންޑޮނޭޝިއާއަށް ނިސްބަތްވާ އެ ދެ ފަޅުވެރިން ވަނީ ކުށަށް އިއުތިރާފުވެފައެވެ.
މި މައްސަލައިަގައި އަދީބުގެ މައްޗަށް ވެސް ވަނީ ތިން މަހާއި 18 ދުވަހުގެ ޖަލު ހުކުމެއް އިއްވާފައެވެ. އަދީބު ވިދާޅުވީ ފިއްލަވަން މަސައްކަތް ކުރެއްވީ ފުރާނަޔަށް ނުރައްކަލެއް ކުރިމަތިވެފައިވާތީ ކަމަށެވެ.
