ބީ.އެމް.އެލް 44 ވަނަ ގައުމީ ފެތުމުގެ މުބާރާތް އަންނަ ނޮވެމްބަރ މަހުގެ 16 ވަނަ ދުވަހު ބާއްވާ ގޮތަށް ހަމަޖައްސައިފިއެވެ.

މުބާރާތުގައި ބައިވެރިވުމުގެ ފުރުސަތު ހުޅުވާލާފައިވާއިރު، ސްވިމިންގ އެސޯސިއޭޝަނުން ބުނީ، މުބާރާތުގައި ބައިވެރިވުމުގެ ސުންގަޑިއަކީ އަންނަ ނޮވެމްބަރ މަހުގެ ހަތްވަނަ ދުވަހުގެ 13:00 ޖަހާއިރު ކަމަށެވެ.

ސްވިމިންގ އެސޯސިއޭޝަނުން ބުނީ، މުބާރާތުގެ ސީނިއަރ އަދި ޖޫނިއަރ ކެޓަގަރީތަކުގެ ތެރޭގައި 50 މީޓަރ ފްރީ ސްޓައިލް އާއި 50 މީޓަރ ބެކްސްޓްރޯކް އާއި 50 މީޓަރ ބްރެސްޓްސްޓްރޯކް އާއި 50 މީޓަރ ބަޓަފްލައި އާއި 100 މީޓަރ ފްރީ ސްޓައިލް އާއި 100 މީޓަރ ބެކް ސްޓްރޯކް އާއި 100 މީޓަރ ބްރެސްޓް ސްޓްރޯކް އާއި 100 މީޓަރ ބަޓަފްލައި އާއި 200 މީޓަރ ފްރީ ސްޓައިލް އާއި 400 މީޓަރ ފްރީ ސްޓައިލް އަދި 200 މީޓަރ އިންޑިވިޖުއަލް މެޑްލޭ ހިމެނެއެވެ.

މީގެއިތުރުން ޖޫނިއަރ ކެޓަގަރީތަކުގެ ތެރޭގައި 50 މީޓަރ ފްރީ ސްޓައިލް އާއި 50 މީޓަރ ބެކްސްޓްރޯކް އާއި 50 މީޓަރ ބްރެސްޓްސްޓްރޯކް އާއި 50 މީޓަރ ބަޓަފްލައި އަދި 100 މީޓަރ އިންޑިވިޖުއަލް މެޑްލޭ ހިމެނޭ ކަމަށްވެސް ސްވިމިންގ އެސޯސިއޭޝަން އޮފް މޯލްޑިވްސް އިން ބުނެއެވެ.

މުބާރާތުގައި ބައިވެރިވުމަށް އެދޭ ފޯމް ސްވިމިންގ އެސޯސިއޭޝަންގެ ވެބްސައިޓުން ލިބެން ހުންނާނެ ކަމަށް އެ އެސޯސިއޭޝަނުން ބުނެއެވެ.