ހުޅުމާލޭ ފިޔަވައްޗަށް ރާާއްޖޭގައި ހުންނަ ޖަޕާން އެމްބަސީގެ ފަރާތުން 14 ސީޓުގެ މިނީ ބަހެއް ގަތުމަށް ފައިސާ ހަވާލުކޮށްފިއެވެ.
ބުރާސްފަތި ދުވަހު މި އެއްބަސްވުމުގައި ސޮއި ކޮށްފައިވާއިރު، ފިޔަވަތީގެ ފަރާތުން ސޮއިކޮށްފައިވަނީ ފިޔަވަތީގެ ސީއީއޯ ޒީނާ ގާސިމްއާއި ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޭކޯ ޔަންނާއިއެވެ.
މި މަޝްރޫއުއަކީ 48500 ޔޫއެސް ޑޮލަރުގެ މަޝްރޫއުއެކެވެ.
މީޑީއާއަށް މައުލޫމާތު ދެއްވަމުން ފިޔަވަތީގެ ސީއީއޯ ޒީނާ ގާސިމް ވިދާޅުވީ ދައުލަތުގެ ބެލުމުގެ ދަށުގައި ފިޔަވަތީގައި މި ވަގުތު 100 އަށް ވުރެ ގިނަ ކުދިން އެބަ ތިބި ކަމަށެވެ. އޭގެ ތެރެއިން 80 އަށް ވުރެ ގިނަ ކުދިންނަކީ ސްކޫލްއަށް ދާ ކުދިންނަށް ވުމުން، ސްކޫލްގެ އިތުރު ހަރަކާތްތަކަށް އެކުދިން ގެންދިއުމަށް ވަރަށް ބޮޑެތި ފަސޭހަ ތަކެއް ލިބިގެންދާނެ ކަން ޒީނާ ފާހަގަ ކުރެއްވިއެވެ.
80 އަށް ވުރެ ގިނަ ކުދިންނަކީ ސްކޫލް އަށް ދާ އޭޖްގެ ކުދިން. އެ އުމުރުގެ ކުދިން. އެހެންވީމާ އަބަދުވެސް ސްކޫލްގެ އެކްޓިވިޓީސް ތައް މިއޮންނަނީ ވަރަށް ބޮޑަށް، ސްކޫލަށް ގެންދިއުމާއި ސްކޫލްގައި އެހެން އިތުރު ހަރަކާތްތަކުގައި ބައިވެރިވުން އޮވޭ ހަމަ ކޮންމެ ދުވަހަކުވެސް. އެއް ގަޑީއިރުގެ ތެރޭގައި ހަމަ ޖެހިދާނެ ވަރަސް ގިނަ ފަހަރަށް އެކި ތަންތަނަށް ދާން.
އަދި ކޮންމެ ދުވަހަކުވެސް ކުދިން ގޮވައިގެން ހޮސްޕިޓަލަށް ދިއުމަށް ވަރަށް ބޮޑަށް ފަސޭހަވެގެން ދާނެ ކަމަށްވެސް ޒީނާ ވިދާޅުވިއެވެ.
ކޮންމެ ދުވަހެއްގައިވެސް ކޮންމެވެސް އެއް ކުދި ބައެއް ޑޮކްޓަރަށް ދެއްކުމާއި އެކި ޓްރީޓްމެންޓްތަކަށް ބައެއް ފަހަރު މާލެއަށް އައުމާއި ތެރަޕީ ސެޝަންތަކަސް ބައިވެރިކުރަން ގެންދިއުމާއި އަދި އޭގެ އިތުރުން އަޅުގަނޑުމެންގެ ކުދިންނަށް ލިބެ އެހެނިހެން އިންވިޓޭޝަންސް ތަކަށް ކުދިން ގެންދިއުމުގެ ހަމަ ވަރަށް ބޮޑު، ފަސޭހައެއް މީ
ޒީނާ ވިދާޅުވީ މިހާރު ދިމާވާ އެންމެ ބޮޑު ގޮންޖެހުމަކީ ފިޔަވަތީގައި އުޅޭ ކުދިންގެ އެކި ބޭނުންތަކަށް ޕަބްލިކް ޓްރާންސްޕޯޓާއި ޓެކްސީ ބޭނުން ކުރަން ޖެހުންކަމަށެވެ. އެހެންކަމުން އަމިއްލަ ވެހިކަލްއެއް ލިބުމާއެކު ދަތުރުފަތުރުކުރުމުގައި މިހާރި ކުރިމަތިވެފައިވާ ދަތިތައް ޙައްލުވެގެން ދާނެކަމަށެވެ. އަދި ގިނަ ޙަރަކާތްތަކަކަށް އެ ކުދިން ގަޑިއަށް ގެންދެވެނެ ކަމުގެ ޔަޤީންކަން އޮންނާނެ ކަމަށެވެ.
