ޖަޕާނުން ރާއްޖެއަށް ހިލޭ އެހީގެ ގޮތުގައި 500 މިލިއަން ޖަޕަނީސް ޔެން ދެނީ
21 އޮކްޓޯބަރު 2019 | ހޯމަ 11:14މި ހިލޭ އެހީގެ ފަސް ސަތޭކަ މިލިއަން ޖަޕަނީސް ޔެން ފޯރުކޮށްދޭނެ
ޖަޕާން ސަރުކާރާއެކު ބޭއްވި ބައްދަލުވުމުގެ ތެރެއިން
ޖަޕާނު ސަރުކާރުން ، ރާއްޖެއަށް ހިލޭ އެހީގެ ގޮތުގައި ފަސް ސަތޭކަ މިލިއަން ޖަޕަނީސް ޔެންގެ ހިލޭ އެހީއެއް ދޭން ނިންމައިފިއެވެ.
މި އެހީ ދޭން ނިންމީ މިހާރު ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ޖަޕާނަށް ކުރައްވާ ދަތުރުފުޅުގެ ތެރެއިންނެވެ.
އެހީ ފޯރުކޮށްދިނުމަށް ނިންމާފައިވަނީ ޖަޕާން ނަން-ޕްރޮޖެކްޓް ގްރާންޓް އެއިޑްގެ ދަށުން ދިވެހި ސަރުކާރާއި ޖަޕާން ސަރުކާރާ ދެމެދު މިއަދު ސޮއި ކުރި "އެކްސްޗޭންޖް އޮފް ނޯޓްސް" ގެ ދަށުންނެވެ.
ދިވެހި ސަރުކާރުގެ ފަރާތުން މި "އެކްސްޗޭންޖް އޮފް ނޯޓްސް" ގައި ސޮއިކުރެއްވީ މިނިސްޓަރ އޮފް ފޮރިން އެފެއާޒް އަލްފާޟިލް ޢަބްދުﷲ ޝާހިދު އެވެ. ޖަޕާން ސަރުކާރުގެ ފަރާތުން ސޮއިކުރެއްވީ ޖަޕާން ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު މިސް ކެއިކޮ ޔަނާއީއެވެ.
ދެޤައުމުގެ ދެެމެދުގައި އެއްބަސްވެވުނު "އެކްސްޗޭންޖް އޮފް ނޯޓްސް" ގެ ދަށުން ހިލޭ އެހީ ދިނުމަށް ހަމަޖެހިފައިވަނީ ކައުންޓަރ ޓެރަރިޒަމްގެ ދާއިރާއިން ރާއްޖެއަށް އެހީތެރިކަން ފޯރުކޮށްދިނުމަށެވެ.
