މޫސުން ރަނގަޅެއް ނުވޭ، އަދިވެސް ވިއްސާރަ ކުރާނެ

ރާއްޖޭގެ ބައެއް ހިސާބުތަކަށް ކުރިއަށް އޮތް 24 ގަޑި އިރުގެ ތެރޭގައި ބޯކޮށް ވާރޭވެހުމުގެ ފުރުސަތު އެބައޮތް ކަމަށް މޫސުމާ ބެހޭ ގައުމީ އިދާރާއިން ބުނެފިއެވެ.

މޫސުމާބެހޭ ގައުމީ އިދާރާއިން ބުނީ ވިއްސާރަވިނަމަވެސް، ވައި މަޑުވާނެ ކަމަށެވެ. އެ އިދާރާއިން ބުނީ ކުރިއަށް އޮތް 24 ގަޑިއިރު ރާއްޖޭގެ އެކިހިސާބަށް ވިއްސާރަ ކުރުމާއެކު ގުގުރާނެ ކަމަށެވެ. އަދި ބައެއް ރަށްތަކަށް ބޯކޮށް ވާރޭވެހުން އެކަށީގެންވާ ކަމަށް އެ އިދާރާއިން ބުނެއެވެ.

މެޓް އޮފީހުން ބުނީ ވައި ޖެހޭނީ އިރާއި އިރުދެކުނުން ދެކުނުގެ އަތޮޅުތަކަށް އަދި އެހެން ހިސާބުތަކަށް ހުޅަނގުދެކުނާއި ހުޅަނގުން ގަޑިއަކު 5 މޭލާއި 15 މޭލާ ދެމެދުގެ ބާރު މިނުގައި ކަމަށެވެ. އަދި ވިލާގަނޑުގައި ގަޑިއަކު 30 މޭލަށް ވައި ގަދަވުން އެކަށީގެންވާ ކަމަށެވެ.

އަދި އާދައިގެ ވަރަކަށް މަޑު ވެފައި ވިލާ ގަނޑުގައި އާދައިގެވަރަކަށް ގަދަވާނެ ކަމަށާއި، ދަތުރު ފަތުރު ކުރުމުގައި ސަމާލުވުން މުހިންމު ކަމަށް މެޓް އޮފިހުން ބުނެއެވެ.