ކ. މާލެ
|
12 އޮކްޓޯބަރ 2019 | ހޮނިހިރު 13:08
ދިރާގު މާލޭ އޯފަން 2019 ގެ ތެރެއިން
ދިރާގު މާލޭ އޯފަން 2019 ގެ ތެރެއިން
ރާއްޖެ އޮންލައިން
ދިރާގު މާލޭ އޯޕަން 2019
ދިރާގު މާލޭ އޯޕަން 2019 ކާމިޔާބުކަމާއިއެކު ނިންމައިލައިފި
 
މި މުބާރާތަކީ ދިވެހިރާއްޖޭގައި މި ގޮތަށް ބޭއްވޭ އެންމެ ބޮޑު ފެތުމުގެ މުބާރާތް

200 އަށްވުރެ ގިނަ ބައިވެރިންނާއެކު ފެށި ދިރާގު މާލޭ އޯޕަން 2019 ކާމިޔާބު ކަމިޔާބުކަމާއެކު ނިންމާލައިފިއެވެ.

ހޮނިހިރު ދުވަހު ފެށި މި މުބާރާތަކީ 1 ކިލޯ މީޓަރުގެ އޯޕެން ވޯޓަރ މުބާރާތެކެވެ. ދިރާގުން ބުނީ މި މުބާރާތަކީ ދިވެހިރާއްޖޭގައި މި ގޮތަށް ބޭއްވޭ އެންމެ ބޮޑު ފެތުމުގެ މުބާރާތް ކަމަށެވެ.

މި މުބާރާތް ރާވައި އިންތިޒާމު ކުރަނީ ސްވިމް މޯލްޑިވްސް އިންނެވެ. ސްވިމް މޯލްޑިވްސް އަކީ ފެތުމާއި މޫދު ކުޅިވަރު ކުރިއަރުވައި ތަރައްޤީކޮށް ކުރިއެރުވުމަށް މަސައްކަތްކުރާ ޖަމިއްޔާއެކެވެ. ސްވިމް މޯލްޑިވްސްއިން މި މުބާރާތް ބާއްވާ އެއް މަޤްޞަދަކީ، ވީހާވެސް ގިނަ ބަޔަކަށް ވާދަވެރި ރައްކާތެރި އުފާވެރި މާޙައުލެއްގައި ފެތުމާއި މޫދު ޙަރަކާތްތަކުގައި ބައިވެރިވުމުގެ ފުރުޞަތު ފަހިކޮށްދިނުން ކަމަށް މުބާރާތް އިންތިޒާމު ކުރާ ފަރާތުން މައުލޫމާތުދެއެވެ.

ދިރާގުގެ މެނޭޖަރ މާރކެޓިން ކޮމިއުނިކޭޝަންސް އެންޑް ޕީއާރު މުޙައްމަދު މިރުޝާން ޙަސަން ވިދާޅުވީ މި މުބާރަތަކީ ވަރަށް ވެސް ކާމިޔާބު މުބާރާތެއް ކަމަށާއި މި މުބާރާތުގައި ދިރާގުން ބައިވެރިވާން ނިންމީ ފެތުން އެއީ ރާއްޖޭގައި މަޤްބޫލު ކުޅިވަރަކަށް ހެދުމުގެ މަޤްސަދުގައި ކަމަށެވެ. އަދި ރާއްޖެކަހަލަ ޖަޒީރާ ޤައުމަކުން ކަނޑުގެ ކުޅިވަރު ކުރިއަރުވަން ޖެހޭ ކަމަށާއި، މި މުބާރާތުގައި ބައިވެރިވި ހުރިހާ ބައިވެރިން ރޭސް ނިންމާ ދިޔައީ ފިނިޝިން މެޑަލް އާއި އެކުގައިކަން އޭނާ ފާހަގަކުރެއްވިއެވެ.

މި މުބާރާތަކީ ދިރާގާއި ސްވިމް މޯލްޑިވްސް އާއި ގުޅިގެން ބާއްވައިފައިވާ މުބާރާތެއް. ދެން މި މުބާރާތުގައި ދިރާގުން ސްޕޮންސަރ ކުރަން ނިންމައި ބައިވެރިވާން ނިންމީ ފެތުން މިއީ ރާއްޖޭގެ މަގްބޫލް ސްޕޯޓްސް އަކަށް ހެދުމުގެ އުންމީދުގައި. ދެން އިނގިވަޑައިގަންނަވާނެ ދިރާގު ރޯޑް ރޭސް ވެސް އަޅުގަނޑުމެން ފެށީ ފެށުނު އިރު ވަރަށް ވެސް ކުޑަކުޑަކޮށް ނަމަވެސް މިހާރު ވަރަށް ގިނަ ބަޔަކު ދުވުމުގެ އާދަ އަދި ތަފާތު ދުވުމުގެ ހަރަކާތްތަށް ވެސް އެބަގެންދޭ.
ދިރާގުގެ މެނޭޖަ މާކެޓިން ކޮމިއުނިކޭޝަންސް އެންޑް ޕީއާރު މުހައްމަދު މިރުޝާން ހަސަން

މުބާރާތުގެ އުމުރުފުރާތަކުގެ ކެޓަގަރީއަކީ 7 އަހަރާއި 10 އަހަރާ ދެމެދު، 11 އަހަރާއި 12 އަހަރާއި ދެމެދު، 13 އަހަރާއި 14 އަހަރާއި ދެމެދު، 20 އަހަރާއި 29 އަހަރާއި ދެމެދު، 30 އަހަރާއި 39 އަހަރާއި ދެމެދު، 40 އަހަރާއި 49 އަހަރާއި ދެމެދު އަދި 50 އަހަރުން މަތީގެ އުމުރުފުރާގެ ކެޓަގަރީއެވެ.

މި މުބާރާތް ކުރިޔަށްދިޔައީ ރަސްފަންނާވީ ދިމާލު ބޭރު ކަނޑުގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
100%
0%
0%
0%
0%
0%
ކޮމެންޓް