ތުރުކީން ދިން ހަމަލާތަކުގައި ސޫރިއާގެ 342 ކުރުދީ ހަނގުރާމަވެރިން މަރުވެއްޖެ

ތުރުކީވިލާތުން ސީރިއާގެ އުތުރުގައި ފަށާފައިވާ ހަނގުރާމައިގައި ސޫރިޔާގެ 342 ކުރުދީ ހަނގުރާމަވެރިން މަރުވެއްޖެ އެވެ.

ރިޕޯޓްތަކުން ބުނާގޮތުގައި ތުރުކީގެ އަސްކަރީ ހަރަކާތްތައް ސީރިއާގައި ފަށާފައިވާއިރު އެ ހަމަލާތަކުގައި ކޮންމެ ދުވަހަކުވެސް މަރުވާ ކުރުދީ ހަނގުރާމަވެރިންގެ އަދަދު އަންނަނީ އިތުރުވަމުންނެވެ.

އެމެރިކާގެ ތާއިދު ލިބެމުންދިޔަ ސީރިއަން ޑިމޮކްރަޓިކް ފޯފަސް (އެސްޑީއެފް) އަށް އަމާޒުކޮށްގެން ފެށި ހަރަކާތްތައް ފަށާފައިވަނި ސީރިއާގައި ތިބި އެމެރިކާގެ ސިފައިން އެތަނުން އަނބުރާ ބޭލުމަށްފަހުއެވެ. އަދި އެ ސިފައިން ބޭލުމަށްފަހު މާ ގިނަ ދުވަސްތަކެއް ނުވަނީސް ތުރުކީން ވަނީ އެ ހަމަލާތައް ސީރިއާގައި އަށް ރައްދަކުރުން ފަށާފައެވެ.

ތުރުކީވިލާތުން ދެމުން އަންނަ އަސްކަރީ ހަމަލާތަކުގެ ސަބަބުން 70 ހާހަށްވުރެއް ގިނަ މީހުން އެމީހުންގެ އަވަށް ދޫކޮށް އެހެން ހިސާބުތަކަށް މިހާރު ވަނީ ހިޖުރަކޮށްފައެވެ.

އޭގެ އިތުރަށް، އަސްކަރީ ހަމަލާތަކުގެ ތެރެއިން ދިން ވައިގެ ހަމަލާއެއްގައި އާންމު ރައްޔިތުންގެ ނުވަ މީހުން މަރުވެފައިވާ ކަމަށް ބައެއް މީޑިއާތަކުން ރިޕޯޓްކޮށްފައިވާއިރު މަރުވި މީހުންގެ އާއިލާތައް އަންނަނީ ގަމިޝްލީ ނަމަކަށް ކިޔާ ސަރަހައްދުގައި ހުންނަ ހޮސްޕިޓަލަށް ޖަމާވަވެ ހިތާމަފާޅު ކުރަމުން އަންނަ ކަމަށް ވެސް އެ ރިޕޯޓްތަކުގައި ބުނެފައިވެއެވެ