ލުއްކާ ޗުއްޕީ ދޭއް ހަދަނީ

މި އަހަރުގެ މާޗް މަހުގެ ނެރެނު ހެއްވާ މަޖާ ފިލްމު ލުއްކާ ޗުޕީގެ ދެވަނަ ފިލްމެއް ހެދުމުގެ މަސައްކަތް ކުރާ ކަމަށް އެ ފިލްމުގެ ޕްރޮޑިއުސަރު ބުނެފިއެވެ.

ކްރިތީ ސަނޯން އާއި ކާތިކް އަރްޔަންގެ އިތުރުން އަޕަރްޝަކްތީ ހުރާނާ ހަރަކާތްތެރިވާ އެ ފިލްމަކީ ލޯބީގެ ހާދިސާ އެއްގެ މައްޗަށް ބިނާކޮށް ހަދާފައިވާ ފިލްމެކެވެ.

އެ ފިލްމުގެ ދެވަނަ ބައެއް ހެދުމާއި ބެހޭ ގޮތުން ވިޖަން ބުނެފައިވަނީ ފިލްމުގެ ސީކުއެލް ލިޔުމުގެ މަސައްކަތް ކުރަމުންދާ ކަމަށާއި، މި ފަހަރުގެ ފިލްމުގައި ފެނިގެންދާނީ ދެބައެއްގެ މެދުގައި ހިނގާ ވަރީގެ ހާދިސާއެކެވެ. އޭނާ ބުނީ، ފިލްމުގައި ފެނިގެންދާނީ، އާއިލާގެ މީހުންނަށް ނޭނގި ދެމަފިރިއަކު ވަރިވުމަށް ފަހު ހިނގާ ހެއްވާ މަޖާ ކަންތައްތަކެއް ކަމަށެވެ. ވިަން ބުނީ، ފިލްމުގެ އަސްލު ކާސްޓުންގެ އިތުރުން އާ މޫނުތަކެއް ފެނިގެންދާނެ ކަމަށެވެ.

އެ ފިލްމުގައި ހަރަކާތްތެރެވި ކްރީތީ ދެން އެންމެ އަވަހަށް ފެނިގެންދާނީ ހައުސްފުލް ހަތަރަކުންނެވެ.