ބޮލީވުޑްގެ ތަރި އަކްޝޭ ކުމާރް އާއި ބޫމީ ޕަދްނޭކަރް ފެނިގެންދާ ފިލްމު "ޓޮއިލެޓް: އޭކް ޕްރޭމް ކަތާ"ގެ ދެވަނަ ބައެއް ހަދަން ނިންމަފައިވާ ކަމަށް އަކްޝޭ ބުނެފި އެވެ.
ޓީޒާ އާއި އެކު މި ޚަބަރު ސޯޝަލް މީޑިއާގައި އަކްޝޭ ވަނީ ހިއްސާކޮށްފައެވެ. ޓީޒާގައި އަކްޝޭ ބުނެފައި ވަނީ ފިލްމް ގައި ޓޮއިލެޓް އެޅިއްޖެ ކަމަށާއި އެކަމަކު ވާހަކަ އަދި އެއްކޮށް ނިމުނީ ނޫން ކަމަށެވެ.
ޓޮއިލެޓް 2 އިއުލާންކުރި ނަމަވެސް ފިލްމާ ބެހޭ އިތުރު ތަފްސީލެއް ހާމަކޮށްފައެއް ނުވެއެވެ.
"ޓޮއިލެޓް" މިފިލްމަކީ އިންޑިއާގެ ފަގީރު ހިސާބުތަކުގައި ފާޚާނާތައް ހެދުމުގެ މުހިންމު ކަމުގެ މައްޗަށް އަލިއަޅުވާލައި ހަދާފައިވާ ފިލްމެކެވެ.
ޝްރީ ނަރަޔަން ސިންގު ޑައިރެކްޓް ކޮށް އަކްޝޭ ކުމާރާއި ނީރާޖް ޕާންޑޭ ކޯ ޕްރޮޑިއުސް ކޮށްފައިވާ މި ފިލްމުގެ ލީޑު ރޯލުން ފެނިގެން ގޮސްފައިވަނީ އަކްޝޭ ކުމާރާއި ބޫމީ ޕެޑްނެކާއެވެ.
އިންޑިއާގެ އިތުރުން މިފިލްމް ވަނީ ހަމައެކަނި ޔޫރަޕްގެ 22 ގައުމަކާއި ޖުމްލަ 50 ގައުމެއްގައި ރިލީޒް ކޮށްފައެވެ. އޭގޭ ތެރޭގައި ޖަޕާނާއި މަލްޓާވެސް ހިމެނެއެވެ.
ދުނިޔޭގެ އެކި ކަންކޮޅު ތަކުގައި މި ފިލްމް ދައްކާފައިވާއިރު މިފިލްމަށް ބެލުންތެރިންގެ ފަރާތުން ވަނީ ބޮޑު ތަރުހީބެއް ލިބިގެން ގޮސްފައެވެ.
