އިންޓަނޭޝަނަލް ސްޕޭސް ސްޓޭޝަން ( އައިއެސްއެސް) އަށް ދިޔަ ފުރަތަމަ އަރަބި އެސްޓްރޮނޮޓް އަކަށް ޔޫއޭއީގެ ހައްޒާ އަލް މަންސޫރީ ހިމެނިއްޖެއެވެ.
މަންސޫރީ އައިއެސްއެސް އަށް ގޮސްފައިވަނީ ކަޒަކިސްތާނުން، ރަޝިއާގެ ސްޕޭސް ކްރާފްޓެއްގައެވެ. ރަޝިއާގެ އޮލެގް ސްކްރިޕޮކާގެ އަދި ނާސާގެ އެސްޓްރޮނަޓް ޖެސިކާ މެއިރްއާ އެކު ހައްޒާ ސްޕޭސް ސްޓޭޝަނަަށް ގޮސްފައިވަނީ ބުދަ ދުވަހު، ހަ ގަޑިއިރުގެ ދަތުރެއް ކުރުމަށް ފަހުއެވެ. އެ ތިން މީހުން އޯބިޓަށް ދެވުމުން ސްޕޭސް ސްޓޭޝަންގެ ފަޅުވެރިން އެމީހުންނަށް މަރުހަބާ ކިޔާ ވީޑިއޯއެއް ނާސާއިން ވަނީ ޓްވީޓްކޮށްފައެވެ.
އުމުރުން 35 އަހަރުގެ ހައްޒާ އައިއެސްއެސް އަށް ކުރި ދަތުރަށް މުޅި ދުނިޔޭގެ ތައުރީފް އޭނާ އަށް ލިބެމުންދާއިރު ހައްޒާ ވަނީ އެ ދަތުރަކީ އޭނާގެ ''ޑްރީމް މިޝަން'' ކަމުގައި ބުނެފައެވެ.
ހައްޒާ ނައްޓާލި ގަޑީގައި އޭނާ އަށް ހިތްވަރު ދިނުމުގެ ގޮތުން ގިނަ ބަޔަކު ވަނީ ޔޫއޭއީގެ ސްޕޭސް ސްޓޭޝަން ދޮށަށް ޖަމާވެފައެވެ. ހައްޒާ އައިއެސްއެސް ގައި ހަތް ދުވަސް ހޭދަކުރާ އިރު އޭނާ އަކީ ސްޕޭސް ސްޓޭޝަނަށް ދިޔަ ފުރަތަމަ ޔޫއޭއީގެ ފަޅުވެރިއެއްގެ އިތުރުން އައިއެސްއެސް އަށް ދިޔަ ފުރަތައް އަރަތްބެވެ. އެހެން ނަމަވެސް ހައްޒާއަކީ އައިއެސްއެސް އަށް ދިޔަ ފުރަތަމަ މުސްލިމެއް ނޫނެވެ.
