ޑިޕާޓްމަންޓް އޮފް ހެރިޓޭޖްގެ ނަން ސަގާފީ ތަރިކަ ރައްކާތެރިކުރާ ޤައުމީ މަރުކަޒުގެ ނަމަށް ބަދަލުކޮށްފި

ޑިޕާރޓްމަންޓް އޮފް ހެރިޓޭޖްގެ ނަން "ސަގާފީ ތަރިކަ ރައްކާތެރިކުރާ ޤައުމީ މަރުކަޒު" ގެ ނަމަށް ބަދަލުކޮށްފިއެވެ.

އާދިއްތަ ދުވަހު ރައީސް އޮފީހުން ބުނީ، މިނިސްޓްރީ އޮފް އާރްޓްސް ކަލްޗަރ އެންޑް ހެރިޓޭޖްގެ ނަން ސަގާފީ ތަރިކަ ރައްކާތެރިކުރާ ޤައުމީ މަރުކަޒުގެ ނަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބަދަލުކުރައްވާފައިވާ ކަމަށާއި، އެ ބަދަލު ގެންނެވީ މިހިނގާ ސެޕްޓެންބަރު މަހުގެ 12 ވަނަ ދުވަހު ކަމަށެވެ.

އެގޮތުން ޤާނޫނު ނަންބަރު 2019/12 (ދިވެހިރާއްޖޭގެ ސަގާފީ ތަރިކައިގެ ޤާނޫނު) ގެ 14 ވަނަ މާއްދާގެ (ށ) ގައި ބަޔާންކުރާ ގޮތުގެ މަތިން "ޑިޕާޓްމަންޓް އޮފް ހެރިޓޭޖް" ގެ ނަން، "ސަގާފީ ތަރިކަ ރައްކާތެރިކުރާ ޤައުމީ މަރުކަޒު" ގެ ނަމަށް ބަދަލު ކުރައްވާފައިވީނަމަވެސް ދައުލަތުގެ އިދާރާތަކުން ސަގާފީ ތަރިކަ ރައްކާތެރިކުރާ ޤައުމީ މަރުކަޒަށް ލިޔުއްވާ ސިޓީގައި ޖައްސަވާނީ މިހާރުވެސް ބޭނުންކުރާ ނަންބަރު ކަމުގައިވާ 222 ކަމަށް ބުނެފައިވެއެވެ.