ރާއްޖެ
ހަމަނުޖެހުން ހިންގުން
ހަމަނުޖެހުން ހިންގައި އިހުސާން ފިހާރައިގެ ބިއްލޫރިގަނޑު ތަޅާލައިފި
މިމައްސަލާގައި އަދި އެއްވެސް މީހަކު ހައްޔަރުކޮށްފައިނުވޭ
އަމްނާ އިމާދު, ރާއްޖެ އެމްވީ | 19 ސެޕްޓެމްބަރު 2019 | ބުރާސްފަތި 19:00
ހަމަނުޖެހުން ހިންގި ފިރިހެން މީހާ ފުލުހުންގެ ބެލުމުގެ ދަށުގައި
އިހުސާން ފިހާރައަށް ދިޔަ މީހަކު ހަމަ ނުޖެހުން ހިންގައި އެ ފިހާރައިގެ ބިއްލޫރިގަނޑު ތަޅާލައިފިއެވެ.
ފުލުހުން ބުނީ ހެންވޭރުގައި ހުރި އިހުސާން ފިހާރައަށް ދިޔަ މީހަކު ހަމަ ނުޖެހުން ހިންގައި އެފިހާރައިގެ ބިއްލޫރިގަނޑު ތަޅާލައިފައިވާ ކަމަށް ބުރާސްފަތި ދުވަހުގެ ރޭ 20:53 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.
ފުލުހުން ބުނީ މިމައްސަލައާ ގުޅިގެން އެއްވެސް މީހަކު ހައްޔަރުކޮށްފައިނުވާ ކަމަށެވެ.
ފޮޓޯތަކުން ފެންނަ ގޮތުގައި ހަމަނުޖެހުން ހިންގި ފިރިހެން މީހާގެ އަތް ވަނީ ކަފައިގެން ގޮސްފައެވެ. އަދި އެސަރަހައްދުގައި ލޭ ވެސް ހުއްޓެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
