ރައީސް އޮފީހުގެ ބިއްލޫރިގަނޑު ތަޅާލި މީހާގެ ބަންދަށް ފަސް ދުވަސް ޖަހައިފި
20 މާރިޗު 2017 | ހޯމަ 13:56ހައްޔަރުކުރީ އުމުރުން 43 އަހަރުގެ ފިރިހެނެއް
އަޒުމޫން އަހުމަދު | 20 މާރިޗު 2017 | ހޯމަ 13:56
ބިއްލޫރިގަނޑު ތަޅާލުމާއި ގުޅިގެން ފުލުހުންނާއި ސިފައިން ހަރަކާތްތެރިވަނީ
ރައީސް އޮފީހުގެ ބިއްލޫރިގަނޑެއް ތަޅާލި މައްސަލައިގައި ހައްޔަރުކުރި މީހާގެ ބަންދަށް ފަސް ދުވަސް ޖަހައިފި އެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ އުމުރުން 43 އަހަރުގެ ދިވެހި ފިރިހެނެކެވެ.
އާދިއްތަ ދުވަހުގެ މެންދުރު ރައީސް އޮފީހުގެ ކުޑަ ދޮރެއްގެ ބިއްލޫރިގަނޑު ތަޅާލާފައި ވަނީ ހުރަވީ ބިލްޑިންގ ކައިރީގައި ހުރެ ގާބުރިއެއް އެއްލައިގެންނެވެ.
ތަޅާލާފައިވަނީ ރައީސް އޮފީހުގެ އަމީރު އަހުމަދު މަގާވީ ފަޅީގައި ހުރި ކުޑަދޮރެއްގެ ބިއްލޫރިގަނޑެވެ.
ރައީސް އޮފީހުގެ ބިއްލޫރިގަނޑު ތަޅާލި މައްސަލަ ފުލުހުން ދަނީ ތަހުގީގު ކުރަމުންނެވެ.
