ކ. މާލެ
|
18 ސެޕްޓެންބަރ 2019 | ބުދަ 16:30
ލަންކާ ހޮސްޕިޓަލް
ލަންކާ ހޮސްޕިޓަލް
ޓްވިޓަރ
ލަންކާ ހޮސްޕިޓަލް
އާސަންދައިގެ ދަށުން ލަންކާ ހޮސްޕިޓަލްގައި އޯގަން ޓްރާންސްޕްލާންޓް ކުރެވޭނެ: ސިއްދީގް
 
އާސަންދައިގެ ދަށުން ހެޔޮ އަގުގައި ގިނަ ޚިދްމަތްތައް ލަންކާ ހޮސްޕިޓަލުން ލިބޭނެ ކަމަށް
 
ލަންކާ ހޮސްޕިޓަލާއި، އާސަންދަ އާއި ދެމެދު އެއްބަސްވުމެއްގައި ވަނީ ސޮއިކޮށްފައި

އާސަންދައިގެ ދަށުން އޯގަން ބަދަލުކުރުމުގެ އޮޕަރޭޝަން ލަންކާ ހޮސްޕިޓަލުން ކުރެވޭނެ ކަމަށް ލަންކާ ހޮސްޕިޓަލްގެ މެނޭޖިންގ ޑައިރެކްޓަރ ސިއްދީގް ފާރޫގް ވިދާޅުވެއްޖެއެވެ.

ރާއްޖެޓީވީއަށް ދެއްވި ޚާއްސަ އިންޓަރވިއުއެއްގައި ސިއްދީގް ވިދާޅުވީ ބައެއް ދަތިތައް ހުރުމުގެ ސަބަބަން، ކުރިން އެޤައުމުގެ ބަލިމީހުން ފިޔަވާ އިތުރު ބަޔަކަށް ގުނަވަން ބަދަލުކޮށްދިނުމުގެ އޮޕަރޭޝަން ލަންކާގެ ހޮސްޕިޓަލްތަކުގައި ނުކުރެވޭ ކަމަށެވެ. އޭނާ ވިދާޅުވީ މިހާރު ސްރީލަންކާ ސަރުކާރުން އެ ހުރަސްތައް ނައްތާލާފައިވާ ކަމަށާއި، އެހެންކަމުން ދުނިޔޭގެ އެކި ގައުމުގެތަކުގެ ބަލިމީހުންނަށް ލަންކާގެ ހޮސްޕިޓަލްގައި އޯގަން ބަދަލުކުރުމުގެ އޮޕަރޭޝަން ކުރެވޭނެ ކަމަށެވެ.

ސިއްދީގް ވިދާޅުވީ ލަންކާ ސަރުކާރުން މި ގެނައި ބަދަލާއެކު، ރާއްޖޭގެ ރައްޔިތުންނަށް ލަންކާ ހޮސްޕިޓަލްގައި އޯގަން ބަދަލުކުރުމުގެ ޚިދްމަތް ލިބިގެންދާނެ ކަމަށެވެ.

ލަންކާގެ ބޮޑު ވަޒީރު ރަނިލް ވިކްރަމަސިންހަ މި މަހުގެ ތިންވަނަ ދުވަހު ރާއްޖެއަށް ކުރެއްވި ރަސްމީދަތުރުފުޅުގައި، ރައްޔިތުންގެ މަޖިލީހުގައި ދެއްވި ތަގްރީރްގައި ވިދާޅުވެފައިވަނީ ލަންކާގެ ޕްރައިވެޓް ހޮސްޕިޓަލްތަކުން އޯރގަން ޓްރާންސްޕްލާންޓްގެ ޚިދުމަތް، ދިވެހިންނަށް ލިބޭނެ ކަމަށެވެ.

ސިއްދީގް ވިދާޅުވީ ދުނިޔޭގެ ފެންވަރުގެ ސިއްހީ ޚިދްމަތް ރާއްޖޭގެ ރައްޔިތުންނަށް ލަންކާ ހޮސްޕިޓަލުން ލިބިގެންދާނެ ކަމަށާއި، އެ ޚިދްމަތް ފޯރުކޮށްދިނުމުގެ ގޮތުން އާސަންދަ އާއި ލަންކާ ހޮސްޕިޓަލާއި ދެމެދު އެއްބަސްވުމެއްގައި މިހާރު ސޮއިކޮށްފައިވާ ކަމަށެވެ. އަދި ދިވެހިންނަށް އާސަންދައިގެ ދަށުން، ހެޔޮ އަގުގައި މިހާރު ސިއްހީ ޚިދްމަތް ލިބިގެންދާނެ ކަމަށް ސިއްދީގް ވިދާޅުވިއެވެ. އެގޮތުން ނާރުގެ ބަލިތައް، ހިތުގެ ބަލިތައް، ކަށީގެ ބަލިތަކައް ރަނގަޅު ޚިދްމަތް، ހެޔޮ އަގުގައި ލިބިގެންދާނެ ކަމަށް ސިއްދީގް ވިދާޅުވިއެވެ.

އޭނާ ވިދާޅުވީ ސްރީލަންކާއަށް ދިން ބޮމުގެ ހަމަލާއަށްފަހު، އެ ގައުމުގެ އާންމު ހާލަތަށް މިހާރު ރުޖޫއަވެފައިވާ ކަމަށާއި، ރާއްޖޭގެ ރައްޔިތުންނަށް ރަނގަޅު ސިއްހީ ހިދްމަތް ފޯރުކޮށްދެވޭނެ ކަމުގެ ޔަގީންކަން އެބައޮތް ކަމަށެވެ.

ލަންކާ ހޮސްޕިޓަލަކީ ގިނަ އަދަދެއްގެ ދިވެހިން ސިއްހީ ޚިދްމަތް ހޯދަމުން އަންނަ ހޮސްޕިޓަލެކެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
50%
0%
0%
0%
50%
ކޮމެންޓް