ކ. މާލެ
|
13 ސެޕްޓެންބަރ 2019 | ހުކުރު 12:58
ހުކުރު ޚުތުބާ
ހުކުރު ޚުތުބާ
ރާއްޖެއެމްވީ
ހުކުރު ޚުތުބާ
ޝައިތާނާގެ ކިބައިން ސަލާމަތް ވެވޭނީ އީމާންކަމުގެ ނޫރުން ހިތްތައް އަލިކޮށްގެން: ޚުތުބާ
 
ޤިޔާމަތް ދުވަހު އުޑުތައް ފަޅައިގެންގޮސް ކުދިކުދި ވެގެންދާނެ
 
ށްވަޅާއި ހަމައަށް ދާ ހިސާބުން ޤިޔާމަތުގެ މަރުހަލާ ފެށިގެންދާނެ
 
ޝައިތާނާގެ ވަސްވާހުގައި ޖެހިގެން ވަގުތުތައް ބޭކާރުކުރާ މީހުން ވަރަށް ގިނަ

ޝައިތާނާގެ ކިބައިން ސަލާމަތް ވެވޭނީ އީމާންކަމުގެ ނޫރުން ހިތްތައް އަލިކޮށްގެން ކަމަށް މިއަދުގެ ހުކުރު ޚުތުބާގައި ބުނެފިއެވެ.

"ޤިޔާމަތް ދުވަހާއި މެދު ޢާފިލު ނުވާށެވެ" މި މައުޟޫގެ މައްޗަށް ބިނާކޮށްފައިވާ ޚުތުބާގައި ބުނީ، އުމުރުގެ ބޮޑު ބައެއް ބޭކާރު ގޮތުގައި ގިނަ ބަޔަކު ހޭދަކުރާ ކަމަށާއި، ޝައިތާނާގެ ވަސްވާހުގައި ޖެހިގެން ވަގުތުތައް ބޭކާރުކުރާ މީހުން ވަރަށް ގިނަ ކަމަށެވެ.

އެގޮތުން އެކަމުން ސަލާމަތްވެ ހިދާޔަތުގެ މަގަށް އާދެވެން އޮތް ގޮތަކީ އީމާންކަމުގެ ނޫރުން ހިތްތައް އަލިކުރުން ކަމަށްވެސް ޚުތުބާގައި ވަނީ ބުނެފައެވެ.

ލައުނަތް ލެއްވިގެންވާ ޝައިތާނާ ވަނީ އޭނާގެ ދަންތުރައިގައި އެމީހުން ޖައްސައި ދުންޔަވީ ލައްޒަތާއި ޝަހުވަތުގެ އަޅުވެތިކަމުގެ ކަސްތަޅުން ކަސްތަޅު އަޅުވާފައެވެ. ޝައިތާނާގެ މި ދަންތުރައިން އަޅުތަކުންނަށް ސަލާމަތްވެވެން އޮތް ހަމައެކަނި މަގަކީ ޝައިތާނާގެ ވަސްވާސްތަކުން ކިލަނބުވެފައިވާ ހިތްތައް އީމާން ކަމުގެ ނޫރުން އަލި ކުރުމެވެ. ފަނާވަނިވި މި ދުނިޔޭގެ ކުރު ދަތުރުގެ މަޤްސަދާމެދު ފުންކޮށް ވިސްނައި މި ދަތުރު ނިންމާލަންޖެހޭ މަންޒިލު ކަމުގައިވާ އާޚިރަތުގެ މަތިން ތާއަބަދު ހަނދުމަ ކުރުމުގައި ސާބިތުވެ ތިބުމެވެ.
ހުކުރު ޚުތުބާ

ޚުތުބާގައި އިތުރަށް ބުނީ، އިންސާނާ މަރުވެ ކަށްވަޅާއި ހަމައަށް ދާ ހިސާބުން ޤިޔާމަތުގެ މަރުހަލާ ފެށިގެންދާނެ ކަމަށާއި، ކަށްވަޅަކީ އާޚިރަތުގެ ފުރަތަމަ މަންޒިލް ކަމަށެވެ. އެގޮތުން ކަށްވަޅުގައި ލިބޭނެ ހަމައެކަނި އެހީއަކީ އިންސާނާ ކޮށްފައިވާ ހެއު އަމަލު ކަމަށާއި، ނުބައި އަމަލު ކުރާ މީހުންގެ އަމަލުތައް ބިރުވެރި ސިފައެއްގައި ކަށްވަޅުން އެމީހަކާއި ބައްދަލު ކުރާނެ ކަމަށެވެ.

އެކަން ސިފަކުރައްވަމުން ޚުތުބާގައި ބުނީ، ނުބައި އަމަލު ކުރާ މީހުންނަށް ކަށްވަޅު ވެގެންދާނީ ނަރަކައިގެ ބިރުވެރި ވަޅުގަނޑަކަށް ކަމަށާއި، ހެޔޮ އަމަލު ކުރާ މީހުންނަށް ކަށްވަޅަކީ ސުވަރުގޭގެ ބަގީޗާއެއްފަދަ ތަނެއް ކަމަށެވެ.

ޤިޔާމަތް ދުވަހު ކަންތައް ވާނެ ގޮތުގެ ވާހަކައަށް އަލިއަޅުވާލައްވަމުން ޚުތުބާގައި އިތުރަށް ބުނީ، ޤިޔާމަތް ދުވަހު އުޑުތައް ފަޅައިގެންގޮސް ކުދިކުދި ވެގެންދާނެ ކަމަށާއި، ބޮޑެތި ފަރުބަދަތައްވެސް ފުނޑުފުނޑުވެ ލުއި ކަފަކޮޅުތަކެއް ފަދައިން މީސްތަކުންގެ ބޯމަތީގައި އެނބުރޭނެ ކަމަށެވެ. އަދި މި ކަންކަމާއި މެދު ފުންކޮށް ވިސްނައި އިބްރަތް ހާސިލު ކުރުމަށްވެސް ޚުތުބާގައި ވަނީ ގޮވާލާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް