ކ. މާލެ
|
3 ފެބްރުއަރީ 2017 | ހުކުރު 02:02
ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު ފާރިސް މައުމޫން
ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު ފާރިސް މައުމޫން
ރާއްޖެއެމްވީ
މަޖިލިސް މެމްބަރު
ގައުމު ސަލާމަތް ކުރުމަށް ނިކުތުމަށް ފާރިސް މައުމޫން ގޮވާލައްވައިފި
 
ފާރިސްގެ ނުސީދާ ހަމަލާއެއް ސަރުކާރަށް
 
ގައުމު ސަލަމާތް ކުރުމަށް ނުނިކުމެއްޖެނަމަ މިޖީލަށް ގައުމު މައާފެއް ނުކުރާނެ

ދިވެހިރާއްޖޭ މިދަނީ ނުރައްކާތެރި ހާލަތަކަށް ކަމަށާއި، ގައުމު ސަލާމަތް ކުރުމަށް ނިކުތުމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަދި ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން ފާރިސް މައުމޫން ގޮވާލައްވައިފި އެވެ.

 

ފާރިސް އެގޮތަށް ގޮވާލައްވާފައިވަނީ އޭނާ ކުރެއްވި ޓްވީޓެއްގަ އެވެ. ފާރިސް ވިދާޅުވީ މިއަދު ދިވެހި ގައުމު ސަލާމަތް ކުރުމަށް މަސައްކަތް ނުކޮށްފިނަމަ، މި ޖީލަށް ދިވެހި ގައުމު މައާފެއް ނުކުރާނެ ކަމަށެވެ.

 

 

ފާރިސްއަކީ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްއަށް ބޮޑު ބޭބެ ވިދާޅުވާ ރައްޔިތުންގެ މަޖިލީހުގެ ސަރުކާރު ނިސްބަތްވާ ޕީޕީއެމް ޕާލަމެންޓްރީ ގްރޫޕްގެ މެމްބަރެކެވެ. ނަމަވެސް ޕީޕީއެމް ޕާލަމެންޓްރީ ގްރޫޕްގެ ބައްދަލުވުންތަކުން ފާރިސް ބޭރުކޮށް، ޕީޕީއެމް މެމްބަރު ކަމުން ވަކިކުރުމަށްވެސް ޕީޕީއެމްގެ ރައީސް ޔާމީންގެ ފެކްޝަނުން ވަނީ މަސައްކަތް ކޮށްފަ އެވެ.

 

ފާރިސް ވަނީ ކުރީގެ ޑިފެންސް މިނިސްޓަރު ކާނަލް މުހައްމަދު ނާޒިމް ދޫކޮށްލުމަށް އދ. ވޯކިންގ ގްރޫޕް އޮން އާބިޓްރަރީ ޑިޓެންޝަނުން ނިންމި ގޮތަށް ވަގުތުން ވަގުތަށް ނާޒިމް މިނިވަން ކުރުމަށް ގޮވާލައްވާފަ އެވެ. އަދި ކާނަލް ނާޒިމް ހައްޔަރު ކުރުމާއި ނާޒިމްގެ މައްޗަށް ކޮށްފައިވާ ހުކުމަކީ އިންސާފުން ބޭރުން ކޮށްފައިވާ ހުކުމެއްކަން އދގެ ވޯކިންގ ގްރޫޕްގެ އެ ނިންމުމުން ވެސް ސާބިތުވާ ކަމަށްވެސް މީގެ ކުރިން ފާރިސް ވިދާޅުވެފައިވެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ރާއްޖެ އެމްވީ
0%
0%
0%
0%
0%
0%
ކޮމެންޓް