އަންގާރަ 17 ސެޕްޓެންބަރ 2019
11 އުތުރަ
1441 މަހައްރަމް 18
ފަތިސް 04:44
އިރުއަރާ 05:55
މެންދުރު 12:05
އަސްރު 15:05
މަޣްރިބް 18:07
އިޝާ 19:18
ކުޅިވަރު - ނޭމާ

ނޭމާ އަނބުރާ ބާސާއަށް ގެންނަން ބޭނުން: މެސީ

  • ޕީއެސްޖީއާ ނެގޯޝިއޭޓް ކުރުމަކީ ފަސޭހަ ކަމެއް ނޫން ކަމަށް މެސީ ބުނޭ

ލީވާން އަލީ
MrLeevaan

ކ. މާލެ 12 ސެޕްޓެންބަރ 2019 | ބުރާސްފަތި 19:38 3,010

މެސީ (ވ) އަދި ނޭމާ (ކ) - ގެޓީ އިމޭޖާސް

ޕެރިސް ސެއިންޓް ޖާމަން (ޕީއެސްޖީ) އަށް ކުޅެމުން އަންނަ ބްރެޒިލްގެ ފޯވާޑް ނޭމާ އަނބުރާ ބާސެލޯނާއަށް ގެންނަން ބޭނުންވާ ކަމަށް ބާސާއަށް ކުޅެމުން އަންނަ އާޖެންޓީނާގެ ފޯވާޑް ލިއޮނެލް މެސީ ބުނެފިއެވެ.

ސްޕެއިންގެ ނޫހެއްކަމަށްވާ ސްޕޯޓްއަށް ދިން އިންޓަވިއުއެއްގައި މެސީ ބުނީ، ނޭމާ އަނބުރާ ބާސާއަށް ގެންނަން ޕީއެސްޖީން މަސައްކަތްކުރި ވަރު އޭނާއަށް ނޭނގޭ ކަމަށާއި، ނަމަވެސް ޕީއެސްޖީއާ ނެގޯޝިއޭޓް ކުރުމަކީ ފަސޭހަ ކަމެއް ނޫން ކަން އެނގޭ ކަމަށެވެ.

ނޭމާ އަނބުރާ ބާސާއަށް ނުގެނުވުމުން މާޔޫސް ނުވާކަން ފާހަނގަކުރަމުން މެސީ ބުނީ، މިހާރު ބާސާގައި އޮތް ސްކޮޑާއެކުވެސް ކްލަބަށް ކަންތައްތަކެއް ހާސިލްކުރެވިދާނެ ކަމަށެވެ.

ނަމަވެސް މެސީ ބުނީ، ނޭމާއަކީ ދުނިޔޭގެ އެންމެ މޮޅު ކުޅުންތެރިންގެ ތެރޭގައި ހިމެނޭ ކުޅުންތެރިޔެއް ކަމަށާއި، އޭނާއާއެކު ސްކޮޑު ވަރުގަދަވުމުގެ އިތުރުން ކްލަބަށްވެސް އެކި ގޮތްގޮތުން ފައިދާވާނެ ކަމަށެވެ.

މީގެއިތުރުން މެސީ ބުނީ، އެއްވެސް ކުޅުންތެރިޔަކު ނޭމާގެ ސޮއި ހޯދުމަށް ކްލަބުގައި އެދިފައިނުވާނެ ކަމަށާއި، ކުޅުންތެރިން ހަމައެކަނި ކުރި ކަމަކީ އެކަމާ ގުޅިގެން ހިޔާލު ފާޅުކުރުން ކަމަށެވެ.

ޕްރީ ސީޒަންގައި ދިމާވި އަނިޔާގެ މައްސަލައަކާ ގުޅިގެން އަނިޔާގައި ހުރި މެސީއަށް އަދި އަނބުރާ ދަނޑަށް އަންނަން ދުވަސްކޮޅެއް ނަގާނެއެވެ.

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް