ވަޒީފާއާ ބެހޭ ޓްރައިބިއުނަލްގެ ރައީސް ކަމަށް ބޭފުޅަކު އައްޔަންކުރައްވައިފި
5 ސެޕްޓެމްބަރު 2019 | ބުރާސްފަތި 01:29މިމަގާމަށް އައްޔަންކުރެއްވީ މުހައްމަދު ޒާހިރު
ޓްރައިބިއުނަލްގެ ރައީސް ކަމަށް އައްޔަންކުރެއްވި މުހައްމަދު ޒާހިރު
ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ވަޒީފާއާބެހޭ ޓްރައިބިއުނަލުގެ ރައީސްކަމަށް ބޭފުޅަކު އައްޔަން ކުރައްވައިފިއެވެ.
ބުދަ ދުވަހު މިމަގާމަށް އައްޔަންކުރެއްވީ ޓްރައިބިއުނަލުގެ މެންބަރުކަމުގެ މަގާމުގައި ހުންނެވި މައްޗަންގޮޅި އާޕިއާ، މުޙައްމަދު ޒާހިރެވެ.
މުހައްމަދު ޒާހިރު ވަނީ ޔުނިވަރސިޓީ އޮފް ލަންޑަންއިން "ބެޗްލަރ އޮފް ލޯ" ހާސިލްކުރައްވާފައެވެ.
މުހައްމަދު ޒާހިރު މިމަގާމަށް އައްޔަން ކުރެއްވީ ވަޒީފާއާބެހޭ ޓްރައިބިއުނަލުގެ މެންބަރުކަމުންނާއި ރައީސްކަމުން، މާތޮޑާއަވަށް، ރޭއަލިވާގެ ގދ.ފަރެސްމާތޮޑާ، އަހްމަދު ޝިފާއު އިސްތިޢުފާ ދެއްވާފައި ވާތީއެވެ.
ވަޒީފާއާބެހޭ ޓްރައިބިއުނަލަށް ޝިފާއު އައްޔަންކުރީ ކުރީގެ ރައީސް އަބްދުﷲ ޔާމީނުގެ ސަރުކާރުގައެވެ.
