ހޮންކޮންގްގެ ދަރިވަރުން ކްލާސްތައް ބޮއިކޮޓްކޮށްފި
2 ސެޕްޓެމްބަރު 2019 | ހޯމަ 19:34ސާނަވީއަށް ކިޔަވާ 200 އަށް ވުރެ ގިނަ ސްކޫލުތަކުގެ ދަރިވަރުން ވަނީ ބޮއިކޮޓްކޮށްފަ
ސާނަވީ އަދި މަތީ ތައުލީމަށް ކިޔަވާ ގިނަ އަދަދެއްގެ ދަރުވަރުން ވަނީ ކްލާސްތައް ބޮއިކޮޓްކޮށްފަ
ހޮންކޮންގްގައި ދިރާސީ އާހަރު ފެށި ފުރަތަމަ ދުވަހުގެ ކިޔެވުން އެ ގައުމުގެ ސާނަވީ އަދި މަތީ ތައުލީމަށް ކިޔަވާ ދަރިވަރުން ބޮއިކޮޓްކޮށްފިއެވެ.
މިކަމުގައި އިސްކޮށް ހަރަކާތްތެރިވާ މީހަކު މައުލޫމާތު ދިން ގޮތުގައި ސާނަވީއަށް ކިޔަވާ 200 އަށް ވުރެ ގިނަ ސްކޫލުން 10،000 (ދިހަ ހާހަށް) ވުރެ ގިނަ ދަރިވަރުން ފުރަތަމަ ދުވަހު ކްލާސްތަކަށް ހާޒިރުނުވެއެވެ. ދަރިވަރުން މި ގޮތަށް އަމަލު ކޮށްފައި މިވަނީ ހޮންކޮންގްގައި ދެ ދުވަހުގެ ދިގު އަދި ބޮޑު ހަރުތާލަކަށް ދާން ގޮވާލި ދުވަހުއެވެ.
ފާއިތުވި ހަފްތާ ބަންދު، ހޮންކޮންގްގައި ކުރި ހަރުތާލުތައް ވެގެން ގޮސްފައިވަނީ މިހާތަނަށް މި ގައުމުގައި މުޒާހަރާ ކުރާ ފަރާތްތަކާ ފުލުހުންނާ ދެމެދު ހިނގި ކުރިމަތުލުންތައް އެންމެ ގޯސް ހަރުތާލުތަކަށެވެ. ހޮނިހިރު ދުވަހުގެ ހަމަނުޖެހުންތަކުގައި ހަރުތާލުގެ ބައިވެރިން ވަނީ ޕެޓްރޯލް ބޮން ބޭނުންކޮށް ހަމާލާދީ ހޮންކޮންކްގެ މަޖިލިސް ކުރާ ގެއަށް ހަމަލާދީފައެވެ. އަދި ފުލުހުން ވަނީ ކަރުނަ ގޭހާ ރަބަރު އުންޑަ ބޭނުންކޮށްގެން އިންޒާރު ދީފައެވެ.
ހޮންކޮންގްގައި މުޒާހަރާތައް ކުރިއަށް ގެންދާ މިއީ 14 ވަނަ ހަފްތާއެވެ.
