ހޮނިހިރު 11 ޖުލައި 2020
11 ފުނޯސް
1441 ޒުލްގައިދާ 20
ފަތިސް 04:42
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:24
އިޝާ 19:41
ހޮންކޮންގް

ހޮންކޮންގްގެ ދަރިވަރުން ކްލާސްތައް ބޮއިކޮޓްކޮށްފި

  • ސާނަވީއަށް ކިޔަވާ 200 އަށް ވުރެ ގިނަ ސްކޫލުތަކުގެ ދަރިވަރުން ވަނީ ބޮއިކޮޓްކޮށްފަ
  • ކްލާސްތައް ބޮއިކޮޓް ކުރި ދަރިވަރުންގެ އަދަދު 10،000 އަށް ވުރެ ގިނަ
  • ހޮންކޮންގްގައި މުޒާހަރާތައް ކުރިއަށް ގެންދާ މިއީ 14 ވަނަ ހަފްތާ

ކ. މާލެ | 3 ސެޕްޓެންބަރ 2019 | އަންގާރަ 00:34 | 2,716

ސާނަވީ އަދި މަތީ ތައުލީމަށް ކިޔަވާ ގިނަ އަދަދެއްގެ ދަރުވަރުން ވަނީ ކްލާސްތައް ބޮއިކޮޓްކޮށްފަ - ބީބީސީ

ހޮންކޮންގްގައި ދިރާސީ އާހަރު ފެށި ފުރަތަމަ ދުވަހުގެ ކިޔެވުން އެ ގައުމުގެ ސާނަވީ އަދި މަތީ ތައުލީމަށް ކިޔަވާ ދަރިވަރުން ބޮއިކޮޓްކޮށްފިއެވެ.

މިކަމުގައި އިސްކޮށް ހަރަކާތްތެރިވާ މީހަކު މައުލޫމާތު ދިން ގޮތުގައި ސާނަވީއަށް ކިޔަވާ 200 އަށް ވުރެ ގިނަ ސްކޫލުން 10،000 (ދިހަ ހާހަށް) ވުރެ ގިނަ ދަރިވަރުން ފުރަތަމަ ދުވަހު ކްލާސްތަކަށް ހާޒިރުނުވެއެވެ. ދަރިވަރުން މި ގޮތަށް އަމަލު ކޮށްފައި މިވަނީ ހޮންކޮންގްގައި ދެ ދުވަހުގެ ދިގު އަދި ބޮޑު ހަރުތާލަކަށް ދާން ގޮވާލި ދުވަހުއެވެ.

ފާއިތުވި ހަފްތާ ބަންދު، ހޮންކޮންގްގައި ކުރި ހަރުތާލުތައް ވެގެން ގޮސްފައިވަނީ މިހާތަނަށް މި ގައުމުގައި މުޒާހަރާ ކުރާ ފަރާތްތަކާ ފުލުހުންނާ ދެމެދު ހިނގި ކުރިމަތުލުންތައް އެންމެ ގޯސް ހަރުތާލުތަކަށެވެ. ހޮނިހިރު ދުވަހުގެ ހަމަނުޖެހުންތަކުގައި ހަރުތާލުގެ ބައިވެރިން ވަނީ ޕެޓްރޯލް ބޮން ބޭނުންކޮށް ހަމާލާދީ ހޮންކޮންކްގެ މަޖިލިސް ކުރާ ގެއަށް ހަމަލާދީފައެވެ. އަދި ފުލުހުން ވަނީ ކަރުނަ ގޭހާ ރަބަރު އުންޑަ ބޭނުންކޮށްގެން އިންޒާރު ދީފައެވެ.

ހޮންކޮންގްގައި މުޒާހަރާތައް ކުރިއަށް ގެންދާ މިއީ 14 ވަނަ ހަފްތާއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.