ކ. މާލެ
|
22 މެއި 2017 | ހޯމަ 18:14
އެމެރިކާގެ ނައިބު ރައީސް ޕެންސްގެ ތަޤްރީރު ބޮއިކޮޓްކޮށް ދަރިވަރުންތައް ނުކުންނަނީ
އެމެރިކާގެ ނައިބު ރައީސް ޕެންސްގެ ތަޤްރީރު ބޮއިކޮޓްކޮށް ދަރިވަރުންތައް ނުކުންނަނީ
ގޫގުލް
ޕެންސްގެ ތަޤްރީރު
ޕެންސްގެ ތަޤްރީރު ބޮއިކޮޓްކޮށް ދަރިވަރުންތަކެއް ނުކުމެއްޖެ
 
ދަރިވަރުންވަނީ ހޯއްގޮވާ ތުމުންފުމެ ހަދާފަ
 
ވައިޓްހައުސް އިން ގެންގުޅޭ ސިޔާސަތާއިމެދު ހިތްހަމައެއް ނުޖެހޭ

ހަޅުތާލުކުރުމުގެ ގޮތުން އެމެރިކާގެ ޔުނިވަރސިޓީއެއްގެ ދަރިވަރުންތަކެއް އެގައުމުގެ ނައިބު ރައީސް މައިކް ޕެންސް ތަގްރީރެއް ދެއްވަނިކޮށް ބޮއިކުރުމަށްފަހު ނުކުމެއްޖެއެވެ.

 

މިކަން ހިނގާފައިވަނީ އިންޑިއާނާގެ ނޯޓްރާ ޑޭމް ޔުނިވަރސިޓީގައި އޮތް ދަސްވެނިމުމުގެ ރަސްމިއްޔާތެއްގައެވެ. އެގޮތުން އެރަސްމިއްޔާތުގައި ގްރެޖުއޭޓްވާ އެތައް ދަރިވަރުންނެއް ވަނީ ޕެންސްގެ ތަގްރީރު ވަކި ހިސާބަކުން ބޮއިކޮޓްކޮށް ރަސްމިއްޔާތު އޮތް މާލަންދޫކޮށް ނުކުމެފައެވެ.

 

ދަސްވެނިމުމުގެ ރަސްމިއްޔާތަށް ތައްޔާރުވެ ގައުންއާ ތޮފިއަޅައިގެން ތިބި އެތަކެއް ދަރިވަރުން ޕެންސްގެ ތަގްރީރަށް ހަޅުތާލު ކުރުމުގެ ގޮތުން އެތަނުން ނުކުތުމާއިއެކު އެތަނުގައި އެވަގުތު ތިބި ބައެއް ބެލެނިވެރިންނާއި އެހެން ދަރިވަރުންވަނީ ޕެންސްއަށް މަލާމާތް ކުރުމުގެ ގޮތުން ހޯއްގޮވައި، ތުމުންފުމުގެ އިތުރުން ފާޑުފާޑުގެ އަޑުއަޑު ލައްވާފައެވެ.

 

ދަރިވަރުން ހިތްހަމަ ނުޖެހުނީ ޕެންސްގެ ވާހަކަފުޅުގައި އެމެރިކާގެ ޔުނިވާސިޓީއާ ކޮލެޖުތަކުގައި ކިޔަވައި ދަރިވަރުންނަށް ސިޔާސީ ހެޔޮރަނގަޅު ގޮތް އެނގޭ މިންވަރާއި ގުޅޭގޮތުން ފާޑު ވިދާޅުވެ ވާހަކަފުޅު ދައްކަވަން ފެއްޓެވުންނެވެ.

 

ކޮލެޖުތަކުގައި ކަންކަމާއި ގުޅޭ ގޮތުން ވައިޓް ހައުސް އިން ގެންގުޅޭ ސިޔާސަތުތަކުގެ ވާހަކަ ޕެންސް ވިދާޅުވުމާއި އެކު ދަސްވެނިމުނު ދަރިވަރުންނާއި އެ ދަރިވަރުންނާއި އެއް ކުލާހެއްގައި ކިޔަވަމުންދިޔަ 2000 އެއްހައި ދަރިވަރުންވަނީ އެ ރަސްމިއްޔާތު ބޭއްވި ފުޓްބޯޅަ ދަނޑު ދޫކޮށް ނުކުމެފައެވެ.

 

ނޯޓްރާ ޑޭމް ޔުނިވަރސިޓީއަކީ އެސަރަހައްދުގައި ހިމެނޭ ޔުނިވާސިޓީތަކުގެ ތެރެއިން އެންމެ ފާހަގަކޮށްލެވޭ އެއް ޔުނިވާސިޓީއެވެ.

 

ޕެންސްއަށް އޮނަރަރީ ޑިގްރީއެއް ލިބިވަޑައިގެންނެވި މި ރަސްމިޔާތުގައި ވަހާކަ ދައްކަވުން ވިދާޅުވީ، އެމެރިކާގެ އެކި ސަރަހައްދުތަކުގައި ޤާއިމްކުރެވިފައިވާ ކެމްޕަސްތަކުގައި ޚިޔާލްފާޅުކުރުމުގެ މިނިވަންކަމުގެ ނާޖާއިޒްފައިދާ ނަގަމުން އަންނަކަން ފާހަގަ ކުރެވޭ ކަމަށެވެ.

 

އެގޮތުން އެފަދަ ތަންތަނުގައި އެގައުމުގެ އިދާރީ ނިންމުންތަކާއި، ރައްކާތެރިކަމާއި އެނޫންވެސް ކަންކަމަށް ފާޑުކިޔެމުންދާ ކަމަށް ޕެންސް ވިދާޅުވިއެވެ. އެކަންކަމަކީ އާންމުކޮށް އެމެރިކާގައި އަމަލުކުރަމުން އަންނަ މައުލޫމާތު މުއްސަދިކުރުމުގެ ސަޤާފަތާއި ވަރަށް ބީރަށްޓެހި ކަމެއްކަމަށް ވިދާޅުވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް