ފުލުހުންގެ ހޮޓްލައިންގެ ހިދުމަތް ވަގުތީ ގޮތުން މެދުކެނޑިއްޖެ
އެޖެންސީކަމެއް ދިމާވެއްޖެ ހާލަތެއްގައި 9888999 އަށް ގުޅުމަށް ވަނީ އެދިފައި
ސިމާހާ ނަސީމް | 29 އޯގަސްޓު 2019 | ބުރާސްފަތި 05:13
ފުލުހުންގެ އިދާރާ
ފުލުހުންގެ ހޮޓްލައިން ނަންބަރު 119 ގެ ހިދުމަތް ވަގުތީ ގޮތުން މެދުކެނޑިއްޖެއެވެ.
ބުރާސްފަތި ދުވަހު ފުލުހުން ކުރި ޓުވީޓެއްގައި ބުނެފައިވަނީ ހޮޓްލައިން ނަންބަރަށް ދިމާވި މައްސަލައަކާއި ގުޅިގެން އެ ނަންބަރަށް މިހާރު ނުގުޅޭ ކަމަށާއި އެޖެންސީކަމެއް ދިމާވެއްޖެ ހާލަތެއްގައި 9888999 އަށް ގުޅުމަށް އެދޭ ކަމަށެވެ. އަދި ހޮޓްލައިނަށް ދިމާވެފައިވާ މައްސަލަ ހައްލު ކުރުމުގެ މަސައްކަތް ކުރަމުންދާ ކަމަށް ވެސް ފުލުހުން ބުނެއެވެ.
ފުލުހުންގެ ހޮޓްލައިން ނަންބަރަށް މައްސަލަ ދިމާވެފައިވާއިރު މި މައްސަލަ ހައްލު ކުރެވޭނެ ވަގުތެއް ނުވަތަ ދުވަހެއް ފުލުހުން ހާމައެއް ނުކުރެއެވެ.
