ނެޝަނަލް ޗެސް އާކޭޑް ރައީސް ހުޅުވައިދެއްވައިފި
28 އޯގަސްޓު 2019 | ބުދަ 14:49ރައީސް ސޯލިހު ވަނީ ނެޝަނަލް ޗެސް އާކޭޑް ހުޅުވައިދެއްވުމުގެ ގޮތުން ފުރަތަމަ ބޯޑުގެ ކުޅުން ފައްޓަވައިދެއްވާފައި
ރައީސް ސޯލިހު ނެޝަނަލް ޗެސް އާކޭޑް ހުޅުވައިދެއްވުން
ނެޝަނަލް ޗެސް އާކޭޑް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ހުޅުވައިދެއްވައިފިއެވެ.
ނެޝަނަލް ޗެސް އާކޭޑް ރައީސް ސޯލިހު ހުޅުވައިދެއްވީ ހުޅުމާލެ، މިނީ ސްޕޯޓްސް ކޮންމްޕްލެކްސްގައި ބޭއްވި ރަސްމިއްޔާތެއްގައެވެ.
ރައީސް ސޯލިހު ވަނީ ނެޝަނަލް ޗެސް އާކޭޑް ހުޅުވައިދެއްވުމުގެ ގޮތުން ފުރަތަމަ ބޯޑުގެ ކުޅުން ފައްޓަވައިދެއްވާފައެވެ. އަދި ރައީސް ސޯލިހުގެ އަރިހުގައި ޔޫތު މިނިސްޓަރ އަހުމަދު މަހްލޫފް ވެސް މި ހަރަކާތުގައި ބައިވެރިވެވަޑައިގެންނެވިއެވެ.
ނެޝަނަލް ޗެސް އާކޭޑަކީ ޗެސް ކުޅުމަށް ހާއްސަކޮށްގެން ޔޫތު މިނިސްޓްރީގެ ފަރާތުން މޯލްޑިވްސް ޗެސް އެސޯސިއޭޝަނަށް ހަމަޖައްސައިދެއްވި ހޯލެކެވެ.
މީގެ ކުރިން ޗެސް ކުޅުމަށް މިފަދަ ހާއްސަ ތަނެއް ނުހުންނައިރު، މިފަދަ ތަނެއް ހުޅުވިގެންދިޔުމަކީ މުބާރާތްތަކަށް ޗެސް ކުޅޭ ކުޅުންތެރިންނަށް ލިބުނު ވަރަށް ބޮޑު ހިތްހަމަޖެހުމެއް ކަމަށް މޯލްޑިވްސް ޗެސް އެސޯސިއޭޝަނުން ފާހަގަކުރެއެވެ.
