ހޮނިހިރު 21 ސެޕްޓެންބަރ 2019
01 އަތަ
1441 މަހައްރަމް 22
ފަތިސް 04:43
އިރުއަރާ 05:54
މެންދުރު 12:03
އަސްރު 15:06
މަޣްރިބް 18:05
އިޝާ 19:16
ދުނިޔެ - ޕްރިންސް އެންޑްރޫ

އެޕްސްޓެއިންގެ ހިއުމަން ޓްރެފިކިންގެ އެއްވެސް މައުލޫމާތެއް ނޭނގެ: ޕްރިންސް އެންޑްރޫ

  • ޕްރިންސް އެންޑްރޫ އާއި އެޕްސްޓަންގެ ދެމެދުގައި އޮތް އެކުވެރިކަމާއި ގުޅިގެން ގިނަ ބަޔަކު ވަނީ އޭނާއާއިމެދު ބަދުބަސް ބުނެފަ
  • އެޕްސްޓަން ވަނީ އޮގަސްޓު މަހުގެ ކުރީކޮޅު މަރުވެފަ
  • އެޕްސްޓަންގެ މައްޗަށް ހުކުމެއްކޮށް ޖަލަށްލާފައިވަނީ ހަށި ވިއްކުމަށް މީހުން ޓްރެފިކް ކުރުމުގެ ކުށުގަ

ޝަރޫނާ އަބްދުﷲ
AbdullaSharoona

ކ. މާލެ 25 އޯގަސްޓު 2019 | އާދީއްތަ 01:03 2,537

ޕްރިންސް އެންޑްރޫ އާއި ޖެފްރީ އެޕްސްޓެއިން - ގެޓީ އިމޭޖާސް

އެމެރިކާގެ މަޝްހޫރު މިލިއަނަރު ޖެފްރީ އެޕްސްޓެއިން ޖަލަށް ލެވުނު ކުށަށް އޭނާ އަރައިގަތް ކަމާއިމެދު އެއްވެސް މައުލޫމާތެއް އިނގިވަޑައިނުގަންނަވާ ކަމަށް އިނގިރޭސިވިލާތުގެ ޕްރިންސް އެންޑްރޫ ވިދާޅުވެއްޖެއެވެ.

ކުއީން އެލިޒަބަތްގެ ދެވަނަ ދަރި ކަމަށްވާ ޕްރިންސް އެންޑްރޫ އާއި އެޕްސްޓެއިންގެ ދެމެދުގައި އޮތް އެކުވެރިކަމާއި ގުޅިގެން ގިނަ ބަޔަކު ވަނީ އޭނާއާއިމެދު ބަދުބަސް ބުނެ ގިނަ ވާހަކަތައް ދައްކާފައެވެ. އެކަމާއި ގުޅިގެން ޕްރިންސް އެންޑްރޫ ވިދާޅުވެފައިވަނީ 2010 ވަނަ އަހަރު އެޕްސްޓަން ޖަލުން ނެރުމަށްފަހު އޭނާއާއި ބައްދަލު ކުރެއްވުމަކީ ކުރެއްވުނު ގޯސް ކަމެއް ކަމެއް ކަމަށެވެ.

އެޕްސްޓެއިންގެ މައްޗަށް ހުކުމެއްކޮށް ޖަލަށްލާފައިވަނީ ހަށި ވިއްކުމަށް މީހުން ޓްރެފިކް ކުރުމުގެ ކުށުގައެވެ. އަދި އޮގަސްޓު މަހުގެ ކުރީކޮޅު އޭނާ ވަނީ އެ ހުކުމް ތަންފީޒު ކުރަމުން ދިއުމުގެ ތެރޭގައި އަމިއްލަ އަށް މަރުވެފައެވެ. އުމުރުން 66 އަހަރުގައި މަރުވި، އެޕްސްޓަން ވަނީ އޭނާގެ މައްޗަށް ކޮށްފައިވާ ތުހުމަތުތަކައް އިންކާރުކޮށްފައެވެ.

ޕްރިންސް އެންޑްރޫ ވިދާޅުވެފައިވަނީ އޭނާއާއި އެޕްސްޓެއިން ބައްދަލުވެ ވާހަކަ ދެކެވުނު އިރުވެސް އެފަދަ ކުށަކަށް އަރައިގަތް ކަމުގެ އެއްވެސް ޝައްކެއް އަދި ހެއްކެއްވެސް ފެނިފައި ނުވާ ކަމަށެވެ.

މިއީ މިކަމުގެ ތެރޭގައި ބައިވެރިވާ އެންމެންނަށްވެސް ވަރަށް ދަތި އުނދަގޫ ވަގުތެއް، އަހަރެންނަށްވެސް ދަތި އެޕްސްޓެއިންގެ ދިރިއުޅުމުގަ ވީގޮތް ދެނެގަންނަން އަދި ކިޔައިދެން

އެޕްސްޓެއިންގެ ނުބައި އަމަލުގެ ޝިކާރައަކަށް ވީ އަންހެން ކުއްޖަކު ބުނެފައިވާ ގޮތުގައި ޕްރިންސް އެންޑްރޫ އޭނާއަށް ޖިންސީ ގޯނާކުރިއެވެ. އަދި އެކަން ތަކުރާރުވި ކަމަށާއި ދެވަނަ ފަހަރު އެކަން ހިނގީ ކެރިބިއަންގައި އޮންނަ، އެޕްސްޓެއިންގެ އަމިއްލަ ރަށެއްގައެވެ.

ބަކިންގްހަމް ޕެލެސް އިން ވަނީ މި ތުހުމަތުތައް ދޮގުކޮށްފައެވެ. އަދި މިކަމާއިމެދު ޕްރިންސް އެންޑްރޫ ބުނެފައިވަނީ މިފަދަ އަމަލެއްގައި ބައިވެރި ނުވާނެ ކަމަށާއި މިފަދަ ކަމަކަށް ބާރުވެސް ނާޅާނެ ކަމަށެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: ލީވާން އަލީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް