ސުލްހަވެރިކަމާއި އެކު މައްސަލަ ހައްލު ކުރުމަށް މަސައްކަތް ކުރުމަށް ޓްރަމްޕް އިލްތިމާސް ކުރައްވައިފި
މި ފަދައިން އިލްތިމާސްކޮށްފައިވަނީ ޕާކިސްތާން ގެ ޕްރައިމް މިނިސްޓަރ އާއި އެކު ކުރެވުނު ފޯން ކޯލެއްގައި
އެމެރިކާގެ ރައީސް ޑޮނަލްޑް ޓްރަމްޕް އާއި ޕާކިސްތާން ގެ ޕްރައި މިނިސްޓަރ އިމްރާންޚާން
ޕާކިސްތާނާއި އިންޑިއާގެ ހަމަނުޖެހުންތަކަށް ހައްލެއް ހޯދުމަށް ސުލްހަވެރިކަމާއިއެކު މަސައްކަތް ކުރުމަށް އެމެރިކާގެ ރައީސް ޑޮނާލްޑް ޓްރަމްޕް އިލްތިމާސް ކޮށްފިއެވެ.
ޓްރަމްޕް މިފަދައިން އިލްތިމާސް ކޮށްފައިވަނީ ޕާކިސްތާނު ގެ ޕްރައިމް މިނިސްޓަރ އިމްރާންޚާން އާއި އެކު ކުރެވުނު ފޯން ކޯލެއްގައި ކަމަށް ޙަބަރު ފަތުރާ ވަސީލަތްތަކުން މައުލޫމާތު ލިބެއެވެ. އަދި މި މައްސަލަ ސުލްހަވެރިކަމާއެކު ވާހަކަ ދެއްކުމަށް ފަހު ހައްލު ކުރުމަށް ޓްރަމްޕް ވަނީ ގޮވާލާފައެވެ.
އިންޑިއާ އާއި ޕާކިސްތާނާއި މެދު ހަމަނުޖެހުން އުފެދިފައިވަނީ ކަޝްމީރަށް ހާއްސަ އިމްތިޔާޒުތައް ލިބިދޭ ގާނޫނޫ އަސާސީގެ 370 ވަނަ މާއްދާ އުވާލުމާއި ގުޅިގެންނެވެ. ކަޝްމީރަށް ހާއްސަ އިމްތިޔާޒުތައް ލިބިދޭ މާއްދާ އުވާލެވުމުން އެހެން ސްޓޭޓްތަކުގެ މީހުނަށް ކަޝްމީރުން ބިން ނުގަނެވުމުގެ އިތުރުން ކަޝްމީރު ސްޓޭޓުގެ ސަރުކާރުން އިއުލާންކުރާ ވަޒީފާ އަދި ސްކޯލާޝިޕްތައް އެހެން ސްޓޭޓްތަކުގެ މީހުންނަށް ނުލިބޭ އިރު އެހެން ސްޓޭޓުތަކުގެ މީހުނަށް ކަޝްމީރުގެ ރަށްވެހިކަން ނުލިބޭނެއެވެ.
ޕާކިސްތާނުގެ ކަޝްމީރު ފަޅީގެ ވެރިރަށް މުޒައްފަރު އާބާދުގައި ބުދަ ދުވަހު ވާހަކަދައްކަވަމުން އިމްރާންހާން ވަނީ ، އިންޑިއާ އިން އުސޫލުތަކާއި ހިލާފަށް އެއްވެސް ކަމެއް ކޮށްފިނަމަ އެކަމާއި ދެކޮޅަށް އަޑު އުފުލާނެ ކަމަށާއި މިހާރު އިންޑިއާ އަށް ރަނގަޅު ފިލާވަޅެއް ދޭން ޖެހޭ ވަގުތު ޖެހިއްޖެ ކަމަށް ވިދާޅުވެފައެވެ.
