ހުކުރު 20 ސެޕްޓެންބަރ 2019
14 އުތުރަ
1441 މަހައްރަމް 21
ފަތިސް 04:43
އިރުއަރާ 05:54
މެންދުރު 12:04
އަސްރު 15:06
މަޣްރިބް 18:05
އިޝާ 19:16
ރާއްޖެ - މޯލްޑިވްސް ވިމެންސް ރަން

މޯލްޑިވްސް ވިމެންސް ރަން މިފަހަރު ބޭއްވީ ހޯރަފުށީގައި

  • މި ދުވުން އިންތިޒާމުކޮށްފައިވަނީ އެން-ރޭންޖުން
  • މި ހަރަކާތް ފުރަތަމަ ބާއްވާފައިވަނީ މާޗު މަހުގެ 22 ވަނަ ދުވަހު
  • ދެވަނަ ހަރަކާތް ބާއްވާފައިވަނީ ޅ. ހިންނަވަރުގަ

ޝަރޫނާ އަބްދުﷲ
AbdullaSharoona

ކ. މާލެ 14 އޯގަސްޓު 2019 | ބުދަ 23:44 3,542

މޯލްޑިވްސް ވިމެންސް ރަން ގައި ދުވުމަށް ރަށުގެ ބައެއް އަންހެނުން ތައްޔާރުވެފައި - ފޭސްބުކް

އަމިއްލަ ކުންފުންޏެއް ކަމަށްވާ އެން-ރޭންޖުން އިންތިޒާމުކޮށްގެން، އަންހެނުންނަށް ހާއްސަކޮށްގެން ފެށި މޯލްޑިވްސް ވިމެންސް ރަން، މިފަހަރު ބާއްވާފައިވަނީ ހއ. ހޯރަފުށީގައެވެ.

މި ހަރަކާތް އެންމެ ފުރަތަމަ ބާއްވާފައިވަނީ، ބައިނަލް އަގްވާމީ އަންހެނުންގެ ދުވަހާއި ގުޅިގެން މިދިޔަ މާޗު މަހުގެ 22 ވަނަ ދުވަހުއެވެ. އެ ދުވުން ބާއްވާފައިވަނީ ހުޅުމާލޭގައެވެ. އަދި މި ދުވުމުގެ ދެވަނަ ހަރަކާތް ބާއްވާފައިވަނީ ޅ. ހިންނަވަރުގައެވެ.

އީދު ބަންދާ ދިމާކޮށް ހޯރަފުށީގައި ބޭއްވި މި ދުވުމުގައި ހަތަރު އަހަރުން މަތީގެ ކޮންމެ އުމުރުފުރައެއްގެ އަންހެނަކަށްވެސް ބައިވެރިވެވޭގޮތަށް އޮތީ ހަމަޖެހިފައެވެ. އެގޮތުން، އެ ރަށު ބަނދަރު ސަރަހައްދުން ފެށިގެން، ބުދަ ދުވަހު ހަވީރު 4:00 ޖެހިއިރު ބޭއްވި މި ދުވުމަކީ ފަސް ކިލޯމީޓަރުގެ ދުވުމެކެވެ.

މީގެ އިތުރުން، މި ދުވުމުގައި ބައިވެރިވުމަށް، ކޮންމެ ބައިވެރިއެއްގެ އަތުންވެސް، އެންޓްރެންސް ފީއެއްގެ ގޮތުން، 100 ރުފިޔާ ނަގާފައިވެއެވެ. އަދި ކޮނމެ ބައިވެރިއަކަށްވެސް ޓީޝާޓެއްގެ އިތުރުން ބިބެއް ފޯރުކޮށްދީފައިވެއެވެ. އަދި މި ދުވުން، ހިނގާފައި ނުވަތަ ދުވެފައި ނިންމި ނަމަވެސް ކޮންމެ ބައިވެރިއަކަށްވެސް މެޑަލެއް ވަނީ ދީފައެވެ.

މިއަހަރުގެ އަޟްހާ އީދާއި ގުޅިގެން، މި ދުވުމުގެ އިތުރުން އަދި ކުލަގަދަ އެތަކެއް ހަރަކާތްތަކެއް ކުރިއަށް އެބަދެއެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ލީވާން އަލީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް