މާލޭގެ ގެއަކުން ވައްކަންކޮށްގެން ފިލަން ދުވި ދެމީހަކު ހައްޔަރުކޮށްފި
11 އޯގަސްޓު 2019 | އާދީއްތަ 08:18ހައްޔަރުކުރީ 38 އަހަރުގެ މީހަކާއި 42 އަހަރުގެ މީހެއް
އަމްނާ އިމާދު | 11 އޯގަސްޓު 2019 | އާދީއްތަ 08:18
ފުލުހެއް މާލޭގެ މަގެއް ޕެޓްރޯލްކުރަނީ
މާލޭގެ ގެއަކުން ވައްކަންކޮށްގެން ފިލަން ދުވި ދެމީހަކު ހައްޔަރުކޮށްފިއެވެ.
ފުލުހުން ބުނީ ރޭ ދަންވަރު މާފަންނު ޕޮލިސް ރަށުތެރެ ޕެޓްރޯލް ކުރަމުންދަނިކޮށް މާފަންނުގައި ހުރި ގެއަކުން ވައްކަންކޮށްގެން ނުކުތް ދެމީހުން އަތުލައިގެންފައިވާ ކަމަށެވެ.
ފުލުހުން ބުނީ މިމައްސާލަގައި ހައްޔަރުކުރީ 38 އަހަރާއި، 42 އަހަރުގެ ފިރިހެނަކު ކަމަށެވެ. އަދި ވަގަށް ނެގި ތަކެތި ވެސް ހޯދާފައިވޭ ކަމަށް ފުލުހުން ބުންޏެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
އީދު ޗުއްޓީއަށް ގިނަ ބަޔަކު ވަނީ އަތޮޅުތެރޭގެ ރަށްތަކަށް ވަނީ ފުރާގެން ގޮސްފައެވެ. އެހެންކަމުން ގެތަށް ރަނގަޅަށް ތަޅުގައި ޚާއްސަ ސަމާލުކަމެއް ދިނުމަށް ފުލުހުން ވަނީ އިލްތިމާސްކޮށްފައެވެ.
