އީދު ބަންދުގައި ރާއްޖޭގެ ހުރިހާ ހިސާބަކަށް ވިއްސާރަ ކުރާނެ: މެޓް އޮފީސް
އީދު ބަންދާއި ދިމާކޮށް ކަނޑު ދަތުރުކުރުން ވަނީ އިތުރުވެފަ
މާލެ ރާޅުގަނޑު ސަރަހައްދު
ކުރިޔަށް އޮތް އީދު ބަންދުގައި ރާއްޖޭގެ ހުރިހާ ހިސާބުތަކަށް ވިއްސާރަކުރާނެ ކަމަށް މޫސުމާއިބެހޭ ޤައުމީ އިދާރާއިން ބުނެފިއެވެ.
މެޓް އޮފީހުން ބުނީ ކުރިޔަށް އޮތް އީދު ބަންދުގައި ރާއްޖޭގެ ހުރިހާ ހިސާބަކަށް ވެސް ވިއްސާރަކުރާނެ ކަމަށް ލަފާ ކުރެވޭ ކަމަށެވެ. ރާއްޖޭގެ ހުރިހާ ހިސާބުތަކަށް ވިއްސާރަކުރި ކަމުގައިވީ ނަމަވެސް ކަނޑުތައް އުޅޭނީ އާދައިގެ ވަރަކަށް މަޑުކޮށެވެ. ނަމަވެސް ވިލާ ގަނޑުގައި ވައި ގަދަވާ ވަގުތު ކަނޑުތައް އާދައިގެ ވަރަކަށް ގަދަ ވާނެ ކަމަށް މޫސުމާއި ބެހޭ ޤައުމީ އިދާރާ އިން ބުންޏެވެ.
އުތުރުގެ އަތޮޅުތަކަށް ވައިޖެހޭނެ ބާރުމިނަކީ ގާތް ގަނޑަކަށް 8 މޭލާއި 18 މޭލުގެ ބާރުމިނުގައެވެ. އަދި މެދު ތެރެއާއި ދެކުނުގެ އަތޮޅުތަކަށް ވައިޖެހޭނީ ގާތް ގަނޑަކަށް 5 މޭލާއި 15 މޭލު ބާރުގައެވެ.
އީދު ބަންދުގައި ދަތުރުކުރުމުގެ ކުރިން މޫސުމާއި ބެހޭ އިދާރާއަށް ގުޅައި މައުލޫމާތު ސާފުކުރުމަށް އެ އިދާރާއިން ވަނީ އެދިފައެވެ.
އީދު ބަންދުގައި އާންމުކޮށް ގިނަ ރައްޔިތުން ރާއްޖޭއިން ބޭރަށާއި ރާއްޖޭގެ ރަށްތަކަށް ޗުއްޓީ ހޭދަކުުރުމަށްޓަކައި ދަތުރު ކުރެއެވެ.
