އިއްތިހާދު އެއަރވޭސްގެ ޑްރީމްލައިނާގެ ދަތުރުތައް ރާއްޖެއަށް ފަށަނީ
މަތިންދާ ބޯޓުތައް ބޭނުންކުރުމަށް ހަމަޖެހިފައިވަނީ 27 އޮކްޓޯބަރުން ފެށިގެން އަންނަ އަހަރުގެ އޭޕްރީލް 30 ވަނަ ދުވަހުގެ ނިޔަލަށް
އިއްތިހާދު އެއަރވޭސް ގެ ފްލައިޓެއް
ރާއްޖެއަށް ކުރާ ދަތުރުތަކުގައި ބޮއިންގް 787 ޑްރީމްލައިނާ މަރުކައިގެ މަތިންދާ ބޯޓުތައް ބޭނުންކުރަން އިއްތިހާދު އެއަރވޭޒް އިން ނިންމައިފިއެވެ.
އަބޫދާބީން މާލެއަށްކުރާ ދަތުރުތަކުގައި ބޮއިންގ 787 ޑްރީމްލައިނާ މަރުކައިގެ މަތިންދާ ބޯޓުތައް ބޭނުންކުރުމަށް ހަމަޖެހިފައިވަނީ 27 އޮކްޓޯބަރުން ފެށިގެން އަންނަ އަހަރުގެ އޭޕްރީލް 30 ވަނަ ދުވަހުގެ ނިޔަލަށެވެ.
ބޮއިންގ 787 ޑްރީމްލައިނަރގައި ދެ ފަންތީގައި 299 ސީޓުގެ ޖާގަ ހުރެއެވެ. އެއީ 28 ބިޒްނަސް ކްލާސް ސީޓާއި އިކޮނޮމީ ކްލާހުގެ 271 ސީޓެވެ.
އިއްތިހާދު އެއަރވޭސްއިން ރާއްޖެއަށް ދަތުރުތައް ފަށާފައިވަނީ 2011 ވަނަ އަހަރުގެ ނޮވެމްބަރު މަހުގައެވެ. އަދި އަބޫދާބީ އާއި މާލެއާއި ދެމެދު ހަފްތާއަކު ދަނީ 11 ދަތުރުކުރަމުންނެވެ.
