ކުޑަކުއްޖަކަށް ޖިންސީ ގޯނާކުރި މައްސަލައެއް ފެންމަތިވެއްޖެ
2 އޯގަސްޓު 2019 | ހުކުރު 18:14އެ މައްސަލަ މިނިސްޓްރީން ދަނީ ބަލަމުން ކަމަށް އޮފިޝަލް ވިދާޅުވި
ޖިންސީ ފުރައްސާރަ ރަމްޒުކޮށްދޭ ކުރެހުމެއް
ކުޑަކުއްޖަކަށް ޖިންސީ ގޯނާކުރި މައްސަލައެއް ބަލަމުންދާ ކަމަށް ޖެންޑާރ މިނިސްޓްރީން ބުނެފި އެވެ.
ޖެންޑާރ މިނިސްޓްރީގެ މީޑިއާ އޮފިޝަލް ވިދާޅުވީ މެދުރާއްޖެތެރޭ ރަށެއްގައި 18 އަހަރުން ދަށުގެ ކުޑަކުއްޖަކަށް ޖިންސީ ގޯނާ ކުރިމައްސަލައެއް އެ މިނިސްޓްރީއަށް ހުށަހެޅިފައިވާ ކަމަށެވެ. އަދި އެ މައްސަލަ މިހާރު މިނިސްޓްރީން ބަލަމުންދާ ކަމަށް އޮފިޝަލް ވިދާޅުވިއެވެ.
ރާއްޖެ.އެމްވީއަށް މައުލޫމާތު ލިބިފައިވާގޮތުގައި ޖިންސީ އަނިޔާ ލިބިފައިވާ ކުއްޖަކީ 13 އަހަރުގެ ކުއްޖެކެވެ. އަދި އެކުއްޖާއަށް ޖިންސީ އަނިޔާ ލިބިފައިވަނީ ބޭބެއެއްގެ ފަރާތުން ކަމަށް ވަނީ މައުލޫމާތު ލިބިފައެވެ.
އެކުއްޖާގެ ރައްކާތެރިކަމަށްޓަކައި ކުއްޖާގެ ނަމާއި ރަށް ހާމަ ނުކުރުމަށް މިނިސްޓްރީން ވަނީ އެދިފައެވެ.
