މާދަމާ މެލޭޝިއާގައިވެސް ދިވެހިންގެ މިނިވަން ދުވަހާ ގުޅޭ ހަރަކާތެއް އޮންނާނެ
28 ޖުލައި 2019 | އާދީއްތަ 06:08އެއީ މިނިވަން ދުވަހާ ގުޅިގެން ބާއްވާ ޚާއްސަ ރިސެޕްޝަނެއް
މެލޭޝިއާގެ ކުއަލަމްޕޫރުގައި ބާއްވާ ރިސެޕްޝަންގެ ދައުވަތު
ދިވެހިންގެ މިނިވަން ދުވަސް ފާހަގަ ކުރުމުގެ ގޮތުން ބާއްވާ ޚާއްސަ ހަރަކާތެއް ހޯމަ ދުވަހު މެލޭޝިއާގައި ބޭއްވުމަށް ހަމަޖެހިއްޖެއެވެ.
މެލޭޝިޔާގައި ހުންނަ ދިވެހިރާއްޖޭގެ އެމްބަސީން ކުރި ޓްވީޓެއްގައި ބުނީ، މިނިވަން ދުވަހާ ގުޅިގެން ބާއްވާ ޚާއްސަ ރިސެޕްޝަނެއް ހޯމަ ދުވަހު ކުއަލަމްޕޫރުގައި އޮންނާނެ ކަމަށާއި، ރޭގަނޑު 7:00 އިން 9:30 އަށް އެ ހަރަކާތްތައް ކުރިއަށްދާނެ ކަމަށެވެ.
އޭގެ އިތުރުން، މި ހަރަކާތުގައި ރާއްޖޭގެ ގިނަ ފަންނާނުންތަކެއްގެ ހުށައެޅުންތައް ދައްކާލުމަށް ވެސް ވަނީ ހަމަޖެހިފައެވެ.
އެގޮތުން މޯލްޑިވިއަން އައިޑަލްއިން ވިދާލި ލަވަކިއުންތެރިޔާ މަރިޔަމް މައީޝާ (ރާޅުމަރިޔަނބު) އާއި، ޝަމްވީލު މުހައްމަދު އާއި އަހުމަދު ފަސީހު (ފަސީ) ފަދަ ފަންނާނުން މި ރިސެޕްޝަންގައި ބައިވެރިވެ ހުށައެޅުންތައް ހުށައެޅުމަށް ވަނީ ހަމަޖެހިފައެވެ.
މިނިވަން ދުވަހާ ގުޅިގެން މާލޭގައިވެސް ތަފާތު ހަރަކާތްތައް ކުރިއަށްގެންދާއިރު، އަލިމަސް ކާނިވާގައިވެސް ވަނީ ދިވެހި ފަންނާނުންނާއެކު މިއުޒިކް ހަރަކާތްތަކެއް ދައްކާލާފައެެވެ. އަދި އެ ހަރަކާތަށް ވެސް ގިނަ ބައެއްގެ ތަރުހީބު ވަނީ ލިބިފައެވެ.
