މިނިވަން ދުވަހާއި ގުޅުވައިގެން މިއަދު ހަވީރު އިންޖީނުލީ އެއްގަމު އުޅަނދު ދުއްވުން މަނާ ގަޑިއަށް ބަދަލެއް ގެނެސްފި

ރާއްޖޭގެ 54 ވަނަ މިނިވަން ދުވަސް ފާހަގަކުރުމުގެ ގޮތުން ހިންގޭ ހަރަކާތްތަކާއި ގުޅިގެން މާލޭގައި އިންޖީނުލީ އެއްގަމު އުޅަނދު ދުއްވުން މަނާ ގަޑިއަށް ބަދަލު ގެނެސްފިއެވެ.

ޓްރާންސްޕޯޓް އޮތޯރިޓީން ނެރުނު އިއުލާނެއްގައި ބުނެފައިވަނީ އިންޖީނުލީ އެއްގަމު އުޅަނދު ދުއްވުން މަނާކޮށްފައިވަނީ ހަވީރު 04:00 އަކުން އިރުއޮއްސި 06:00 އަކަށް ކަމަށެވެ. ކުރިން މާލޭ ސިޓީ ކައުންސިލް އިން ނިންމައިފައިވާ ގޮތުން ދުއްވާ އެއްޗެހި ދުއްވުން މަނަލީ ހަވީރު 3.30 ން ފެށިގެން 6.30 އަށެވެ.

Advertisement

ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދާއި، އެމްބިއުލެންސް، އާ ފުރާ މީހުން ބޭނުންކުރުމަށް ހުއްދަ ދެވޭ އުޅަނދާއި، ހާއްސަ އެހީއަށް ބޭނުންވާ މީހުން ދުއްވުމަށް ހާއްސަ ކުރެވިފައިވާ އުޅަނދުތަކާއި، ޕަބްލިކް ޓްރާންސްޕޯޓުގެ ގޮތުގައި ދެމުން ގެންދާ ބަހުގެ ހިދުމަތުގެ އިތުރުން އެ ގަޑިތަކުގައި ދުއްވުމުގެ ހުއްދަ ދެވޭ އުޅަނދުތައް ފިޔަވައި އިތުރު އިންޖީނުލީ އުޅަނދެއް ދުއްވުމަކީ މަނާކަމެއް ކަމަށް އިއުލާނުގައިވެއެވެ.

ޓްރާންސްޕޯޓުން އިތުރަށް ބުނީ އެންގުމާ ހިލާފުވާ ފަރާތްތަކަށް އެއްގަމު ދަތުރުފަތުރުގެ ގާނޫނުގެ ދަށުން ފިޔަވަޅު އަޅާނެ ކަމަށެވެ.

މިނިވަން ދުވަސް ފާހަގަކުރުމުގެ ގޮތުން ހިންގޭ ހަރަކާތްތަކުގެ ތެރޭގައި ހޮނިހިރު ދުވަހު ހަވީރު މޯލްޑިވްސް ނެޝެނަލް ޑިފެންސް ފޯސް އާއި ކެޑޭޓު ކޯގެ ފަރާތުން ބައިވެރިވާ 4 ބޭންޑަކާއެކު ޖުމްލަ ފަސް ބޭންޑްގެ ޕެރޭޑާއި ރޫޓްމާޗް ހިމެނެއެވެ. އެމްއެންޑީއެފުން ބާއްވާ ޝަރަފުގެ ހިނގާލުން ފެށުމަށް ހަމަޖެހިފައިވަނީ ވަނީ ބަންޑާރަކޮށިން 04:15 ގައެވެ. އަދި ޕެރޭޑް ފުރަތަމަ ހުއްޓުމަށް ހަމަޖެހިފައިވަނީ މުލިއާގެ ކުރިމައްޗަށެވެ.