ސިޔާސީ ނުފޫޒުން ޔުނިވަރސިޓީ ހިންގުން ކުޑަކުރުމަށް މަޖިލީހުން ފާސްކޮށްފި
ސިޔާސީ ނުފޫޒުން ޔުނިވަރސިޓީ ހިންގުން ކުޑަކުރުން
ޔުނިވަރސިޓީގެ ބިލް ދިރާސާ ކުރުމުގައި އާންމުންގެ ޚިޔާލުވަނީ ހޯދާފައި
ސިޔާސީ ނުފޫޒުން ޔުނިވަރސިޓީ ހިންގުން ކުޑަކުރުމުގެ ގޮތުން ގައުމީ ޔުނިވަރސިޓީގެ ގާނޫނަށް ހުށަހެޅުނު އިސްލާހު މަޖިލީހުން ފާސްކޮށްފިއެވެ.
މި އިސްލާހު މަޖިލީހުން ފާސްކޮށްފައިވަނީ ހާޒިރުވެ ތިއްބެވި މެމްބަރުންގެ ތެރެއިން 65 މެމްބަރުންގެ ތާއީދާއެކުއެވެ.
ޔުނިވަރސިޓީގެ ގާނޫނަށް ބަދަލު ގެނައި މައިގަނޑު މަގްސަދަކީ ސިޔާސީ ނުފޫޒުން ޔުނިވަރސިޓީ ހިންގުން ކުޑަކުރުމެވެ. ގާނޫނަށް މިހާރު ގެނެވުނު އިސްލާހުގެ ސަބަބުން ދެ ޔުނިވަރސިޓީއަށްވެސް ރައީސުލްޖުމްހޫރިއްޔާ އައްޔަންކުރައްވާނީ ހަމައެކަނި ޗާންސެލަރ އާއި ވައިސް ޗާންސެލަރ އެވެ.
ގައުމީ ޔުނިވަރސިޓީގެ ގާނޫނަށް އިސްލާހު ގެންނަން ހުށަހެޅި ބިލް ދިރާސާކޮށްފައިވަނީ ގައުމީ ތަރައްގީ އާއި ތަރިކައިގެ ކޮމިޓީންނެވެ. ބިލް ދިރާސާ ކުރަމުން ދިޔައިރު، ކޮމިޓީން ވަނީ ޔުނިވަރސިޓީގެ އިސްފަރާތްތަކާއި،ތައުލީމީ ދާއިރާގެ އިސް ފަރާތްތަކާއި ބައްދަލުކޮށްފައެވެ. ގައުމީ ޔުނިވަރސިޓީގެ ގާނޫނަށް އިސްލާހު ގެނައުމުގެ ބިލަށް ކޮމިޓީން ވަނީ އާންމުންގެ ޚިޔާލުވެސް ހޯދާފައެވެ.
