ރައީސް ޔާމީންގެ ޝަރީއަތް ފަށައިފި
21 ޖުލައި 2019 | އާދީއްތަ 08:14ޝަރީއަތަށް ރައީސް ޔާމީން ކޯޓަށް ވަޑައިގެންފައިވަނީ 12.40 އެހާކަން ހާއިރު
ރައީސް ޔާމީންގެ ޝަރީއަތް ކުރިއަށްދާ ގޮތް ދަނީ ލައިވްކޮށް ޓީވީ ތަކުން ދައްކަމުން
ކުރީގެ ރައީސް އަބްދުﷲ ޔާމީން އަބްދުލް ޤައްޔޫމްގެ މައްޗަށް ކޮށްފައިވާ މަނީ ލޯންޑަރިންގެ ދައުވާގެ ޝަރީއަތް ފަށައިފިއެވެ.
ޝަރީއަތަށް ރައީސް ޔާމީން ކޯޓަށް ވަޑައިގެންފައިވަނީ 12.40 އެހާކަން ހާއިރުއެވެ. ރައީސް ޔާމީގެ ޝަރީއަތް ކުރިއަށްގެންދަނީ އާންމުކޮށް ހުޅުވާލައިގެންނެވެ. މި ޝަރީއަތް ކުރިއަށްދާ ގޮތް ޓީވީ ތަކުން ދަނީ ލައިވްކޮށް ދައްކަމުންނެވެ.
އެޕްރީލް މަހުގެ 25 ވަނަ ދުވަހު ބޭއްވި އިބްތިދާއީ އަޑުއެހުންތަކުގެ ޝަރީއަތުގައި ރައީސް ޔާމީންގެ ފަރާތުން ހުށައަޅަންޖެހޭ ހުށައެޅުންތަކަށް 10 ދުވަސް ދިނުމަށް އެމަނިކުފާނުގެ ވަކީލުން އެދުމުން އެ 10 ދުވަސް ދީފައިވެއެވެ. އެ ހުށައެޅުންތައް ޔާމީންގެ ފަރާތުން ހުށައެޅުމުން އޭގެ ރައްދެއްގެ ގޮތުގައި ދައުލަތުން ވެސް ވަނީ ލިޔުންތަކެއް ހުށައަޅާފައެވެ.
