މެކްސްކޮމް ޓެކްނޮލޮޖީސް އަށް 15 އަހަރު ފުރުމާއި ގުޅިގެން ގިނަ ޕްރޮމޯޝަންތަކެއް ފަށައިފިއެވެ.

މެކްސްކޮމް އަށް 15 އަހަރު ފުރުމާއި ގުޅިގެން އެންމެ ފުރަތަމަ ކޮމްޕިއުޓާސްއާ އެއްކޮށް ބާއްވާފައިވަނީ ކޯޕަރޭޓް ކަސްޓަމަރުންނަށް އިވެންޓެއް ބާއްވައިފި ޑެލް އީއެމްސީއާ ގުޅިގެން ވޯކްޝޮޕެކެވެ.

މެކްސްކޮމް ޓެކްނޮލޮޖީސްގެ މެނޭޖިންގ ޑިރެކްޓަރު މުހައްމަދު ފަޒީލް ވިދާޅުވީ މިހާ ގިނަ ދުވަހު މި އިންޑަސްޓްރީގައި ކުރިއަރަމުން އައި ކަސްޓަމަރުންގެ އެހީތެރިކަމާއެކު ކަމަށާއި މެކްސްކޮމް އަކީ އަބަދުވެސް އެންމެ ފަހުގެ ޓެކްނޮލޮޖީ ޕްރޮޑަކްޓްތައް ތައާރަފު ކުރުން އަމާޒު ހިފާފައިވާ ކުންފުންޏެއް ކަމަށެވެ.

މެކްސް އިން ފަށާފައިވާ ޕްރޮމޯޝަންތަކުގެ ދަށުން ޝޯރޫމްތަކުން ވިއްކާ ހުރިހާ ޑެސްކްޓޮޕް މޮބައިލް އަދި ލެޕްޓޮޕްތަކުން 5 އަދި 10 އިންސައްތައާ ހަމައަށް ޑިސްކައުންޓް ލިބިގެންދާނެއެވެ. އަދި މި ޕްރޮމޯޝަން އަހަރުގެ ނިމެންދެން ކުރިއަށްދާނެ ކަމަށް އެ ފަރާތުން ބުންޏެވެ. ޝޯރޫމް އިން ވިއްކާ އެހެން ސާމާނުތައް ކަމަށްވާ ސްޕީކާސް، ޕްރިންޓާޒް، އައިޓީ ގެޖެޓްސްތަކުން 30 އިންސައްތައާ ހަމައަށް ޑިސްކައުންޓް ލިބިގެންދާނެއެވެ.

މީގެ އިތުރުން ކޮންމެ ހަފްތާއަކު ކަސްޓަމަރުންގެ މެދުގައި ނަގާ ލަކީ ޑްރޯއަކުން ހާއްސަ ވައުޗަރތަކެއް ދެ ބޭފުޅުންނަށް އޮކްސިޖަން ކެފޭ އިން ކެވޭ ގޮތަށް ލިބިގެންދާނެ ކަމަށާއި އެގޮތަށް ޖުމްލަ 10 ފަރާތްތައް ހޮވުމަށް ނިންމާފައިވާ ކަމަށް މެކްސްކޮމް އިން ބުންޏެވެ.

މެކްސްކޮމް އިން އިތުރަށް ބުނީ ވާވޭ ފޯނު ބޭނުންކޮށްގެން ނަގާ ފޮޓޯތަކުގެ ފޮޓޯގްރަފީ މުބާރާތްތައް ވެސް ފަށާފައިވާ ކަމަށެވެ. އެއްވަނައަށް ދާ ފަރާތަކަށް ވާވޭ ޕީ 30 ޕްރޯ ފޯން ލިބިގެންދާއިރު ދެވަނައަށް ހޮވޭ ފަރާތަކަށް ޑެލްގެ 24 އިންޗް މޮނީޓަރެއް އަދި ތިންވަނައަށް ސޮނީގެ ސްޕީކަރ ސިސްޓަމެއް ލިބިގެންދާނެ ކަމަށް މެކްސްކޮމް އިން މައުލޫމާތުދެއެވެ.

މެކްސްކޮމް އިން ވަނީ ވާވޭ ''ޕީ30" އާއި "ޕީ30 ޕްރޯ" ފޯނު މިއަހަރުގެ މެއި މަހު ރާއްޖޭގެ ބާޒާރަށް ނެރެފައެވެ.