ހުކުރު 22 ނޮވެންބަރު 2019
09 ނޮރަ
1441 ރަބީއުލް އައްވަލް 25
ފަތިސް 04:37
އިރުއަރާ 05:53
މެންދުރު 11:56
އަސްރު 15:16
މަޣްރިބް 17:51
އިޝާ 19:07
ދުނިޔެ - ނައިޖީރިޔާގައި އިމާރާތެއް ވެއްޓުން

ނައިޖީރިޔާގައި އިމާރާތެއް ބިމާ ހަމަވެ 12 މީހަކު މަރުވެއްޖެ

  • އިތުރު ހަތަރު މީހަކަށް ޒަހަމްވެގެން އަންނަނީ ފަރުވާދެމުން
  • އިތުރު 12 މީހަކު ވަނީ އެ ސަރަހައްދުން ސަލާމަތްކޮށްފައި
  • މިއީ ނައިޖީރިޔާގައި ބޮޑުވެފައިވާ މައްސަަލައެއް

އަމަން ހަލީމް
soupized

ކ. މާލެ 18 ޖުލައި 2019 | ބުރާސްފަތި 00:08 1,882

ވެއްޓިފައިވާ އިމާރާތް ކައިރީގައި ރެސްކިއު އޮފިޝަލުން ހަރަކާތްތެރިވަނީ - ސީ.އެން.އެން

ނައިޖީރިޔާގައި "ދަށް ފެންވަރަކަށް" ހަދާފައި ހުރި ތިން ބުރީގެ އިމާރާތެއް ބިމާ ހަމަވެ، 12 މީހަކު މަރުވެއްޖެއެވެ.

އެ ސަރަހައްދުގައި ހުރި ނެޝަނަލް އެމާޖެންސީ މެނޭޖްމަންޓް އެޖެންސީގެ އޮފިޝަލެއް ކަމުގައިވާ ނޫރައްދީން މޫސާ ބުނީ އިތުރު ހަތަރު މީހަކު އެތަނުން ސަލާމަތްކޮށްފައިވާ ކަމަށެވެ. އަތި އިތުރު ހަތް މީހަކު އެއްވެސް ހާނިކައެއް ނުވެ އެސަރަހައްދުން ސަލާމަތްކޮށްފައިވާ ކަމަށް ވެސް އޭނާ މައުލޫމާތު ދީފައިވެއެވެ.

މީގެ ކުރިން ވެސް އެއިމާރާތް ވެއްޓިދާނެ ކަމުގެ ނިޝާންތަކެއް ފެނިފައިވާ ކަމަށާއި، އެތަން އިމާރާތްކޮށްފައި ހުރީ ވަރަށް ދަށް ފެންވަރުގެ ތަކެތި ބޭނުންކޮށްގެން ކަމަށް ވެސް މޫސާ ބުނެފައިވެއެވެ. އިތުރު ތަހުގީގުތަކަށް އެ ސަރަހައްދު މިހާރު ހުރީ އެއްކޮށް ބަންދުކޮށްފައެވެ.

ނައިޖީރިޔާގައި އިމާރާތްތައް ވަރަށް ގިނަގިނައިން ވެއްޓެއެވެ. އެގޮތުން އިމާރާތްކުރުމުގެ ގަވާއިދުތަކަށް ސަމާލުކަން ނުދީ ތަންތަން އިމާރާތް ކުރުމުގެ ސަބަބުން ވެރިރަށް ލާގޯސްއިން އެކަނިވެސް 1000 ވަރަކަށް ބިލްޑިންގ ވެއްޓިދާނެ ކަމުގެ ބިރު އެބައޮތެވެ. ލާގޯސްގައި 20 މިލިއަން މީހުން ދިރިއުޅެއެވެ.

މިދިޔަ މާޗް މަހުގެ ތެރޭގައި ވެސް ޕްރައިމަރީ ސްކޫލެއް ހިންގަމުން އައި އިމާރާތެއް ވެއްޓި، 20 ކުޑަކުއްޖަކު މަރުވެފައިވެއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް