އަންގާރަ 12 ނޮވެންބަރު 2019
12 ވިހާ
1441 ރަބީއުލް އައްވަލް 15
ފަތިސް 04:36
އިރުއަރާ 05:50
މެންދުރު 11:54
އަސްރު 15:13
މަޣްރިބް 17:50
އިޝާ 19:05
ދުނިޔެ - އިންޑިއާ

މުމްބާއީގެ އިމާރާތެއްވެއްޓި 50 މީހުން ތާށިވެއްޖެ

  • ތާށިވެފައިވާ މީހުން ސަލާމަތް ކުރުމުގެ މަސައްކަތް އޮފިޝަލުން އަންނަނީ ކުރަމުން
  • އިމާރާތް ވެއްޓެން މެދުވެރިވި ސަބަބު އަދި ސާފެއްނުވޭ

މުހައްމަދު ލިސާން
Mlishan

ކ. މާލެ 16 ޖުލައި 2019 | އަންގާރަ 14:56 2,995

އިމާރާތް ވެއްޓުމުގެ ހާދިސާގައި 50 ވުރެގިނަ މީހުން ތާށިވެފައިވާ ކަމަށް އޮފިޝަލުން ވަނީ ބުނެފަ - ސީ.އެން.އެން

އިންޑިއާގެ މުމްބާއީގެ ހަތަރު ބުރީގެ އިމާރާތެއްވެއްޓި 50 މީހުން ތާށިވެއްޖެއެވެ.

މުމްބާއީ ސިވިކް އޮތޯރިޓީގެ ސްޕޯކްސްޕާރސަން، ތަނާޖީ ކާމްބަކް ސީއެންއެންއަށް މައުލޫމާތު ދެމުން ބުނީ އަންގާރަ ދުވަހު ވެއްޓުނު އިމާރާތްވެއްޓިފައިވަނީ ޑޮންގްރީ ނެއިބާހޫޑްގަ ކަމަށެވެ.

ތާށިވެފައިވާ މީހުން ސަލާމަތް ކުރުމަށް ނޭޝަނަލް ޑިޒާސްޓަރ ރެސްޕޮންސްގެ ތިންޓީމުގެ އިތުރުން ސިފައިންނާއި ފުލުހުންވެސް އަންނަނީ ހަރަކާތްތެރި ވަމުންނެވެ.

ވެއްޓުނު އިމާރާތާއި ޖެހިގެން ހުރި އިމާރާތްތައް ވެސް ހުރީ ވަރަށް ނުރައްކާތެރި ހާލަތުގައި ކަމަށާއި މިހާރު ޖެހިގެން ހުރި އިމާރާތްތަކުން މީހުން ހުސްކުރުމުގެ މަސައްކަތް ކުރަމުން އަންނަ ކަމަށް މުމްބާއީގެ ފަޔާ ބްރިގޭޑް ޗީފް ޕްރަބަތް ރަންގާލް ވަނީ ބުނެފައެވެ.

އިމާރާތް ވެއްޓެން މެދުވެރިވި ސަބަބު އަދި ސާފެއްނުވެއެވެ.

އިމާރާތްވެއްޓުމުގެ މި ހާދިސާހިނގާފައި މިވަނީ، މުމްބާއީއަށް ބޯކޮށް ވާރޭވެހި ފެންބޮޑުވުގެ ހާދިސާތަކުގައި 43 މީހުން މަރުވެފައިވަނިކޮށެވެ. މޫސުމީ ވިއްސާރާގައި މަހާރަސްތްރާގައި ވަނީ ގިނަ ގެތަކަށް ފެންވަދެ ދަތުރުފަތުގެ ނިޒާމަށް ވަރަށް ބޮޑަށް ބުރޫއަރާފައެވެ.

މުމްބާއީގެ އޮފިޝަލުން ބުނެފައިވަނީ ފާއިތުވި ހަފްތާތަކުގައި ވެހުނު ވާރެއަކީ މިހާތަނަށް މުމްބާއީ ކުރިމަތިވި އެންމެ ބޮޑު އެއް ހާދިސާގޮތުގައި ސިފަކޮށްފައެވެ. އިންޑިއާގެ އައްސާމް އަދި ބިހާރަށް ބޯކޮށް ވާރޭވެހި ބިންގަނޑުކަނޑައިގެން ދިޔުމުގެ ހާދިސާގެ އަސަރު 6.7 މިލިއަން މީހުންނަށް ވަނީ ކޮށްފައެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް