ދުނިޔެ
އިންޑިއާ
މުމްބާއީގެ އާންމުން ދިރިއުޅޭ ސަރަހައްދަކަށް ފްލައިޓެއް ވެއްޓި ފަސް މަރު
ރިޕޯޓުތައް ބުނާގޮތުން ފްލައިޓް ދަތުރު ކުރަމުންގެންދިޔައީ ޓެސްޓް ފްލައިޓެއްގެ ގޮތުގައި
އަހުމަދު އަނޫޝު, ރާއްޖެ އެމްވީ | 28 ޖޫން 2018 | ބުރާސްފަތި 10:17
ފްލައިޓް ވެއްޓުމަށް ފަހު އަލިފާން ރޯވެފައި
އިންޑިއާގެ މުމްބާއީގެ އާންމުން ދިރިއުޅޭ ސަރަހައްދަކަށް ކުޑަ ފްލައިޓެއް ވެއްޓުމުގެ ސަބަބުން ފަސް މީހުން މަރުވެއްޖެ ކަމަށް އޮފިޝަލުން ބުނެފިއެވެ.
ބުރާސްފަތި ދުވަހު ހިނގި މިހާދިސާ ހިނގީ މުމްބާއީގެ ކާރޫބާރޫ ބޮޑު ގަޓްކޮޕަރް ސަރަހައްދުގައެވެ. 12 މީހުންގެ ޖާގައިގެ ފްލައިޓް ވެއްޓުމުގެ މިހާދިސާގައި މަދުވެގެން ފަސް މީހަކު މަރުވެފައިވާ ކަމަށް ރިޕޯޓުތައް ބުނާއިރު، މަރުވި މީހުންގެ ތެރޭގައި ހިމެނެނީ ފްލައިޓުގެ ދެ ޕައިލެޓާއި، އެއާ މެއިންޓެނެންސް އިންޖިނިއަރުންނާއި އަދި މަގުމަތިން ހިނގާފައި ދިޔަ މީހެކެވެ. ބޯޓު ވެއްޓިފައި ވަނީ ކޮންސްޓްރަކްޝަން ސައިޓަކަށެވެ.
ހާދިސާ ތަހުގީގު ކުރުމުގެ މަސައްކަތް ފަށާފައިވާ ކަމަށް ރިޕޯޓުތައް ބުނެއެވެ.
