އާދީއްތަ 08 ޑިސެންބަރު 2019
12 ދޮށަ
1441 ރަބީޢުލްއާޚިރު 11
ފަތިސް 04:42
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:56
އިޝާ 19:13
ކުޅިވަރު - އައިއޯއައިޖީ2023

އައިއޯއައިޖީ 2023؛ ރާއްޖޭގައި ބޭއްވުމަށް މަޑަގަސްކަރައިގެ ތާއީދަށް އެދިއްޖެ

  • ޔޫތް މިނިސްޓާރގެ މި ދަތުރުފުޅުގައި މަޑަކަސްކަރައިގެ އޮލިމްޕިކް ކޮމިޓީއާ ވެސް ވަނީ ބައްދަލުކުރައްވާފަ

މުހައްމަދު ލިސާން
Mlishan

ކ. މާލެ 13 ޖުލައި 2019 | ހޮނިހިރު 14:46 2,161

މިނިސްޓަރ މަހުލޫފް މަޑަކަސްކަރައިގެ ބޮޑުވަޒީރުގެ ސްޕެޝަލް އެންވޯއީ ހާޖޯ އާއި ބައްދަލުކުރެއްވުން - ޓްވިޓަރ

އައި.އޯ.އައި.ޖީ 2023 ރާއްޖޭގައި ބޭއްވުމަށް ތާއީދު ހޯދުމުގެ ގޮތުން ޔޫތް މިނިސްޓާރ އަހުމަދު މަހުލޫފް ހޮނިހިރު ދުވަހު މަޑަކަސްކަރައިގެ ބޮޑުވަޒީރުގެ ސްޕެޝަލް އެންވޯއީ، މިނިސްޓަރ ހާޖޯއާއި ބައްދަލު ކުރައްވައިފިއެވެ.

ޔޫތް މިނިސްޓާރގެ މި ދަތުރުފުޅުގައި މަޑަކަސްކަރައިގެ އޮލިމްޕިކް ކޮމިޓީއާ ވެސް ވަނީ ބައްދަލު ކުރައްވާފައެވެ.

މިނިސްޓަރ މަހުލޫފު ވިދާޅުވެފައި ވަނީ އިންޑިއަން އޯޝަން އައިލެންޑް ގޭމްސް 2023 ގައި މަޑަކަސްކަރައިން ވެސް ވަނީ ބިޑަށް ހުށައަޅާފަ ކަމަށާއި އަދި މަޑަކަސްކަރަ މީގެ ދެ އަހަރުކުރިންވެސް އިންޑިއަން އޯޝަން އައިލެންޑް ގޭމްސް ހޮސްޓް ކޮއްފައިވާތީ މިހިނގާ 2023 ވަނަ އަހަރު ރާއްޖޭގެ ބިޑަށް ތާއީދު ކުރުމަށް އެދިފައިވާ ކަމަށް މަހުލޫފު ވަނީ ވިދާޅުވެފައެވެ.

މި ދަތުރުފުޅުގައި މިނިސްޓަރ މަހުލޫފްގެ އިތުރުން ފޮރިން މިނިސްޓަރ އަބްދުﷲ ޝާހިދު ވެސް ބައިވެރިވެވަޑައިގަންނަވައެވެ.

އިންޑިއަން އޯޝަން އައިލޭންޑް ގޭމްސް 2023 ވަނަ އަހަރު ރާއްޖޭގައި ބޭއްވުމަށް ސީޝެލްސްއިން ވެސް ތާއީދު ކުރާނެ ކަމުގެ ޔަގީންކަންވަނީދީފައެވެ.

ޔޫތު މިނިސްޓްރީން މީގެ ކުރިން ބުނެފައިވަނީ، އިންޑިއަން އޯޝަން އައިލޭންޑް ގޭމްސް 2023 ވަނަ އަހަރު ރާއްޖޭގައި ބޭއްވުމަށް ތާއީދު ހޯދުމުގެ ގޮތުން ވަޑައިގަންނަވާނީ ސީޝަލްސް، ކޮމޮރޯސް އަދި މޮރިޝަސް އަށް ކަމަށެވެ.

އައިއޯއައިޖީގެ ކައުންސިލްގެ މެމްބަރުން ދާދިފަހުން ވަނީ ރާއްޖެއަށް ޒިޔާރަތް ކުރައްވާ ދިވެހި ސަރުކާރާއި މޯލްޑިވްސް އޮލިމްޕިކް ކޮމެޓީއާ ބައްދަލުކޮށް ރާއްޖޭގައި ހުރި ކުޅިވަރު ވަސީލަތްތައް ބައްލަވާލައްވާފައެވެ.

ރާއްޖެއަށް ބިޑު ކާމިޔާބުވުމުގެ ފުރުސަތު ބޮޑުކަމަށް ކައުންސިލް މެމްބަރުން ވެސް ވަނީ ވިދާޅުވެފައެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް