ގުޅީފަޅުން ފްލެޓް ގަންނަން ފައިސާ ދެއްކި ފަރާތްތަކަށް ހުޅުމާލެއިން ފްލެޓް ހަމަޖެހޭނެ: ރައީސް ސޯލިހު
4 ޖުލައި 2019 | ބުރާސްފަތި 11:46ގުޅީފަޅު ފްލެޓްތަކަށް ދެއްކި ފައިސާ އާ ފްލެޓްތަކުގެ ޖުމްލަ އަގުން ކެނޑޭނެ
ރައީސް އިބްރާހިމް މުހައްމަދު ސޯލިހު ބޭއްވެވި ޕްރެސް ކޮންފަރެންސްގެ ތެރެއިން
ގުޅީފަޅުން ފްލެޓް ގަންނަން ފައިސާ ދިން ފަރާތްތަކަށް, ހުޅުމާލޭގައި އަލަށް ބިނާކުރާ ފްލެޓްތަކުން 140 ޔުނިޓް ދެވޭނެ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ބުރާސްފަތި ދުވަހު ރައީސް އޮފީހުގައި ބޭއްވި ހާއްސަ ޕްރެސް ކޮންފަރެންސެއްގައި، ރައީސް ސޯލިހު ވިދާޅުވީ ގުޅީފަޅު މަޝްރޫޢުގެ ދަށުން ފްލެޓް ގަތުމަށް ފައިސާ ދައްކާފައިވާ ފަރާތަކަށް ސަރުކާރުން ފްލެޓް ހަވާލުކުރުމާއި، ދެވޭ ފްލެޓެއްގެ ޖުމްލަ އަގުން މިހާރު ދައްކާފައިވާ ފައިސާގެ އަދަދު އުނިކޮށް، ބާކީބައި ވަކި މުއްދަތަކަށް ބަހާލައިގެން ދައްކާގޮތަށް ހަމަޖެއްސުމަށް މިހާރު ނިންމާފައިވާ ކަމަށެވެ.
ރައީސް އިތުރަށް ވިދާޅުވީ ފަހި ދިރިއުޅުން ކޯޕަރޭޝަންގެ ފަރާތުން، އިމާރާތްކުރުމަށް ނިންމާފައިވާ 9200 ފްލެޓް ސަރުކާރުން ދޫކުރުމަށް ނިންމާފައިވަނީ 2 ކޮޓަރީގެ އެޕާޓްމަންޓަކަށް މަހަކު 6000 ރުފިޔާ އަދި 3 ކޮޓަރީގެ އެޕާޓްމަންޓަކަށް މަހަކު 7000 ރުފިޔާގެ މަގުން ކަމަށެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވަނީ ދިވެހިރާއްޖޭގައި ބޯހިޔާވަހިކަން ބޭނުންވާ ހުރިހާ ފަރާތްތަކަށް ވެސް އެ މަނިކުފާނުގެ ދައުރު ނިމުމުގެ ކުރިން، އެކަން ފޯރުކޮށްދޭނެ ކަމަށް ވައުދުވެވަޑައިގެންފައެވެ. އެގޮތުން އެމަނިކުފާނުގެ ދައުރުގެ ފަސް އަހަރުގެ ތެރޭގައި އެ ވައުދު ފުއްދަވައިދެއްވާނެ ކަމަށް ރައީސް ވިދާޅުވެފައިވެއެވެ.
