ލާމު ލިންކު ރޯޑްގައި ނުރައްކާތެރި އެކްސިޑެންޓެއް ހިނގައިފި
މި އެކްސިޓެންޑް ހިނގާފައި ވަނީ ކައްދޫ އާއި ފޮނަދޫ ގުޅުވައިދޭ ކޯޒް ވޭގައި
ލާމު ލިންކު ރޯޑްގައި ނުރައްކާތެރި އެކްސިޑެންޓްގައި ގެއްލުންވި ކާރު
ލާމު ލިންކު ރޯޑްގައި ނުރައްކާތެރި އެކްސިޑެންޓެއް ހިނގައިފިއެވެ.
އާދިއްތަ ދުވަހުގެ ހެނދުނު ކައްދޫ އާއި ފޮނަދޫ ގުޅުވައިދޭ ކޯޒް ވޭގައި ހިނގި މި އެކްސިޓެންޑް ހިނގާފައި ވަނީ ބާރު ސްޕީޑްގައި ދުއްވާފައި ދިޔަ ކާރު ކޮންޓްރޯލް ނުކުރެވިގެން ގޮސް ކާރު ފުރޮޅާލައިގެން ކަމަށް މައުލޫމާތު ލިބެއެވެ.
މި އެކްސިޓެންޑް ހިނގި ވަގުތު ކާރުގައި އެވަގުތިބި ދެމީހުން ވެސް ވަނީ އެއްވެސް އަނިޔާއެއް ނުލިބި ސަލާމަތް ވެފައެވެ. ނަމަވެސް ކާރަށް ވަނީ ވަރަށް ބޮޑެތި ގެއްލުންތައް ވެފައެވެ.
ކާރު ކޮންޓްރޯލް ނުކުރެވިގެން ގޮސް ކޯޒްވޭގެ އެއް ފަރާތުގައި ހުރި ގާތަކުގައި ޖެހުމުން ކާރުގެ އެއް ފުރޮޅު ނެއްޓުމުގެ އިތުރުން ބައެއް ގާތަށް ވެސް ވަނީ އެދިމާ މޫދަށް ވެއްޓިފައެވެ.
