މޫސުމަށް އަންނަ ބަދަލުތަކުން ލިބޭގެއްލުން ކުޑަކުރުމުގެ ގޮތުން މަޝްވަރާ ކުރުމަށް ހާއްސަ ބައްދަލުވުމެއް ނ.ހޮޅުދޫގައި
22 ޖޫން 2019 | ހޮނިހިރު 11:38ހޮޅުދޫގައި ވާރޭވެހި ފެންބޮޑުވާ ސަރަހައްދުތައް ވަނީ ބައްލަވާލައްވާފަ
ނ.ހޮޅުދޫގައި މޫސުމަށް އަންނަ ބަދަލުތަކުން ލިބޭގެއްލުން ކުޑަކުރުމުގެ ގޮތުން ބޭއްވި ބައްދަލުވުމުގެ ތެރެއިން
މޫސުމަށް އަންނަ ބަދަލުތަކުން ލިބޭ ގެއްލުންތައް ކުޑަކުރުމާ ގުޅޭ ގޮތުން މަޝްވަރާކުރުމަށް ނ.ހޮޅުދޫގައި ބައްދަލުވުމެއް ބާއްވައިފިއެވެ. މި ބައްދަލުވުން އޮތީ ހޮނިހިރު ދުވަހުއެވެ.
މި ބައްދަލުވުމުގައި ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީގެ ޗީފް އެކްޒެކްޓިވް ހިސާން ހަސަން އަދި އެމްއެންޑީއެފްގެ ނޮދާރން އޭރިއަރގެ ކޮމާންޑަރ ބައިވެރިވެވަޑައިގެންނެވިއެވެ.
ހޮނިހިރު ދުވަހު ބޭއްވި ބައްދަލުވުގައި އެންޑީއެމްއޭ ގެ ސީއޭ ހިސާން އަދި ޓީމްގެ ފަރާތުން ވަނީ ހޮޅުދޫގައި ވާރޭވެހި ފެންބޮޑުވާ ސަރަހައްދުތައް ބައްލަވާލައްވާފައެވެ. ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީގެ ޗީފް އެކްޒެކްޓިވް ހިސާން ހަސަން އަދި އެމްއެންޑީއެފްގެ ނޮދާރން އޭރިއަރގެ ކޮމާންޑަރ ވަނީ އެރަށުގައި ބަހައްޓާފައިވާ ޕަންޕު ސްޓޭޝަންގެ ހާލަތު ވެސް ބައްލަވާލައްވާފައެވެ.
މިދަތުރުފުޅުގައި މިޓީމުގެ ފަރާތުން ވަނީ ކައުންސިލްގެ މެންބަރުންނާ ބައްދަލުކޮށް ހިޔާލު ބަދަލު ކޮށްފައެވެ.
