މާފުށީ ޖަލުގައި ހިނގި ހަމަނުޖެހުން: ކޮމާންޑަރަކު ސަސްޕެންޑް ކޮށްފި
ހާލަތާއި ނުބައްދަލު ބާރު އޮފިސަރުން ބޭނުންކޮށްފައިވޭ
ހޯމް މިނިސްޓަރު އިމްރާން ކަރެކްޝަނަލް ސަރވިސްގެ އޮފިސަރުންނާ އެކު
މާފުށި ޖަލުގައި ހިނގާ ދިޔަ ހަމަނުޖެހުންތަކާއި ގުޅިގެން ހާދިސާ ތަހުޤީގުކޮށް ނިމެންދެން އެމަޖެންސީ ސަޕޯރޓް ގްރޫޕްގެ ކޮމާންޑަރ ސަސްޕެންޑް ކުރުމަށް ނިންމައިފިއެވެ.
މާފުށީ ޖަލުގައި ބުރާސްފަތި ދުވަހުގެރޭ ޤައިދީއަކު އޮފިސަރަކަށް ހަމަލާ ދިނުމާއި ގުޅިގެން އެ އޮފިސަރ އިތުރު ފަރުވާއަށް އަށް މާލެ ގެެނެސް ވަނީ ފަރުވާދީފައެވެ. އެ ހާދިސާގައި ހަ ގައިދީ އަކަށް އެކިވަރުގެ އަނިޔާ ވަނީ ލިބިފައެވެ.
ޖަލުގައި ހިނގާ ދިޔަ ހާދިސާއާ ގުޅިގެން މައުލޫމާތު އޮޅުންފިލުއްވާ ހާލަތު ދެނެގަތުމަށް ހޯމް މިނިސްޓަރ ޢިމްރާން ޢަބްދުﷲ މާފުށި ޖަލަށް ޒިޔާރަތް ކުރެއްވުމަށް ފަހު މީޑިއާ އަށް މައުލޫމާތު ދެއްވަމުން ވިދާޅުވީ، ޖަލުގެ އިސްބޭފުޅުންނާއި ބައްދަލުކޮށް ހާދިސާ ހިނގާދިޔަ ގޮތް ބައްލަވައިފައިވާ ކަމަށެވެ. އެގޮތުން ހާލަތާއި ނުބައްދަލު ބާރު އޮފިސަރުން ބޭނުންކޮށްފައިވާ ކަން ފާހަގަވެފައިވާ ކަމަށް މިނިސްޓަރު ވިދާޅުވިއެވެ.
އިމްރާން ވިދާޅުވީ، މައްސަލަ އެއްކޮށް ބަލައި ނިމިގެން އެކަމާއި ގުޅިގެން އަޅަން ޖެހޭ ފިޔަވަޅުތައް އަޅާނެ ކަމަށާއި، ޖަލަށް ހެޔޮ ބަދަކު ގެނައުމަށްޓަކައި ކުރަން ޖެހޭ ހުރިހާ ކަމެއް ކުރާނެ ކަމަށެވެ.
ބައެއް މީޑިއާ ތަކުން ރިޕޯޓް ކުރާ ގޮތުން ޖަލުގެ ގޮޅިތަކުން ގައިދީން ނެރެ އެމީހުންނަށް ވަނީ އެކިވަރުގެ އަނިޔާ ކޮށްފައެވެ. އެގޮތުން އެމީހުން ފުރަގަހަށް ބިޑިއަޅުވައި މުގުރުން ތަޅައި ކުރިމަތި ފަރާތަށް ޕެޕަސްްރޭ ޖަހަފައިވާ ކަމަށް ސޯޝަލް މީޑިއާގައި ގައި ދަނީ ރިޕޯޓް ކުރަމުންނެވެ.
