ފަންނުވެރިކަމުގެ ސަބަބުން ކުދިންގެ ވިސްނުން ހުޅުވިގެންދޭ: މިނިސްޓަރު ޔުމްނާ
21 ޖޫން 2019 | ހުކުރު 13:32އުންމީދަކީ ސުކޫލް މަދަރުސާގެ ތެރެއިން މިހާރަށްވުރެ ބޮޑަށް ފަންނުވެރިކަން އަދި އާރޓްސްގެ ދާއިރާ އިން ކުދިންނަށް އުނގަންނައި ދެވިގެން ދިޔުން
އަމީނިއްޔާ ސުކޫލަށް 75 އަހަރު ފުރުމާއި ގުޅިގެން ބޭއްވި އާރޓް އެންޑް ކްރާފްޓް އެގްޒިބިޝަން ހުޅުއްވައިދެއްވުމަށްފަހު، ރަސްމިއްޔާތުގައި މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫން ވާހަ
ފަންނުވެރިކަމުގެ ސަބަބުން ކުދިންގެ ވިސްނުން ހުޅުވިގެންދާ ކަމަށް މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫން ވިދާޅުވެއްޖެއެވެ.
އަމީނިއްޔާ ސުކޫލަށް 75 އަހަރު ފުރުމާއި ގުޅިގެން ބޭއްވި އާރޓް އެންޑް ކްރާފްޓް އެގްޒިބިޝަން ހުޅުއްވައިދެއްވުމަށްފަހު، ރަސްމިއްޔާތުގައި ވާހަކަ ދައްކަވަމުން ޔުމްނާ ވިދާޅުވީ ކުދިންނަށް އަމިއްލަ ނަފްސަށް އިތުބާރު ކުރެވި ނަފްސާނީ ދުޅަހެޔޮކަން އިތުރުވެގެންދާ ކަމަށް ދިރާސާތަކުން ދައްކާ ކަމަށާއި ސަރުކާރުގެ އަމާޒަކީ ކުދިންގެ މެދުގައި ފަންނުވެރިކަން އިތުރުކުރުން ކަމަށެވެ.
ޔުމްނާ އިތުރަށް ވިދާޅުވީ މުޖުތަމައު ތެރެއަށް ވިސްނުން ތޫނު، އަމިއްލައަށް މައްސަލަތައް ހައްލުކުރަން އިނގޭ، އުފެއްދުންތެރި ވިސްނުން ހުންނަ އަމިއްލަ ނަފްސަށް އިތުބާރު ކުރާ، މިޒަމާނުގެ ދުނިޔޭގައި ދިމާވާ ގޮންޖެހުންތަކަށް ކުރިމަތިލާން އިނގޭ ކުދިންތަކެއް މުޖުތަމައުއަށް ތަރުބިއްޔަތުކޮށްގެން ނެރެން އެންމެން ވެސް ބޭނުންވާނެ ކަމަށް ޔުމްނާ ވިދާޅުވިއެވެ. ފަންނުވެރިކަމާއި އާރޓްސްގެ ދާއިރާ އަކީ މުހިންމު ދާއިރާއެއްކަން ފާހަގަކުރައްވާ ޔުމްނާ ވިދާޅުވީ އެ ދާއިރާ ކުރިއެރުވުމަށް އެޅޭ ކޮންމެ ފިޔަވަޅަކީ ކުދިންނާއި ކުދިންގެ ތަރުބިއްޔަތަށް އެޅިގެންދާ ވަރަށް މުހިންމު ފިޔަވަޅެއް ކަމަށެވެ.
އެގްޒިބިޝަނުން ވަނަ ވަނަ އަށް ދިޔަ ފަރާތްތަކާއި ހަނދާނީ ލިޔުމާއި މެޑަލް ވަނީ ހަވާލުކޮށްފައެވެ.
މި އެގްޒިބިޝަން ހުޅުވާލާފައިވަނީ އާންމުންނަށާއި އަމީނިއްޔާ ސުކޫލުން ތައުލީމް ހާސިލް ކުރި ފަރާތްތަކުގެ އިތުރުން މުވައްޒަފުންނަށެވެ.
