ރައީސުލްޖުމްހޫރިއްޔާގެ އެވޯޑާއި، ހައި އެޗީވަރސް ސޮކްލަރޝިޕް ހާސިލްކުރި ދަރިވަރުންނަށް ލިޔުން ހަވާލުކޮށްފި
20 ޖޫން 2019 | ބުރާސްފަތި 19:29ހައި އެޗީވަރސް ސްކޮލަޝިޕް ލިބުނީ 46 ދަރިވަރުންނަށް
ރައީސް ސޯލިހު އެވޯޑްއާ ސްކޮލަރޝިޕް ހާސިލްކުރި ދަރިވަރުންނާއެކު
މިދިޔަ އަހަރު ޖީސީއީ އޭ-ލެވެލް އިމްތިޙާނުގައި ބައިވެރިވި ދަރިވަރުންގެ ތެރެއިން ރައީސުލްޖުމްހޫރިއްޔާގެ އެވޯޑާއި، ހައި އެޗީވަރސް ސޮކްލަރޝިޕް ހާސިލްކުރި ދަރިވަރުންނަށް ލިޔުން ހަވާލުކޮށްފިއެވެ.
ސްޓެލްކޯގައި ބޭއްވި ޚާއްސަ ރަސްމިއްޔާތު ޝަރަފުވެރި ކޮށްދެއްވާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއެވެ.
ރައީސުލްޖުމްހޫރިއްޔާގެ އެވޯޑު ލިބުނު ހަތަރު ދަރިވަރުންނަށް އެވޯޑު ދެއްވީ، ރައީސް ސޯލިހުއެވެ. އަދި ހައި އެޗީވަރސް ސްކޮލަޝިޕް ލިބުނު 46 ދަރިވަރުންނަށް ލިޔުން ހަވާލުކޮށްދެއްވީ ހަޔަ އެޑިއުކޭޝަން މިނިސްޓަރު ޑރ. އިބްރާހީމް ހަސަންއެވެ.
މިރަސްމިއްޔާތުގައި ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވީ ރައީސުލްޖުމްހޫރިއްޔާގެ އެވޯޑް ލިބެނީ މަތީ ސާނަވީ އިމްތިހާނުން ދިވެހި، އިސްލާމް ހިމެނޭ ގޮތަށް 5 މާއްދާއިން އޭ ޕްލަސް ހޯދައިގެން ކަމަށާއި، ހައިއެޗީވަރސް ލިބެނީ އިނގިރޭސި ފާހެއް ހިމެނިގެން އިސްލާމް، ދިވެއްސާއެކު 5 މާއްދާއިން އޭފާސް ހޯދައިގެން ކަމަށެވެ.
އެހެންކަމުން އެވޯޑާ، ސްކޮލަރޝިޕް ހޯދި ދަރިވަރުންނަކީ މިދިޔަ އަހަރު މަތީ ސާނަވީ އިމްތިހާނުން އެންމެ ކުލަ ގަދަ ނަތީޖާ ހޯދި ދަރިވަރުން ކަމަށެވެ.
ސްކޮލަރޝިޕްތަކަކީ ވަރަށް އަގުބޮޑު ސްކޮލަރޝިޕްތަކެއްކަން ފާހަގަކުރައްވައި މިނިސްޓަރު ވިދާޅުވީ މިފަދަ ސްކޮލަރޝިޕުތަކުގެ ބޭނުން ރަނގަޅު ގޮތުގައި ހިފައި ފަހުރުވެރި ދަރިވަރުންތަކަކަށްވުމަށް އެދޭ ކަމަށާއި، ރާއްޖެއިން ބޭރަށް ތައުލީމު ހާސިލް ކުރުމަށްދާ ދަރިވަރުންނަކީ ގައުމުގެ މަންދޫބުން ކަމަށެވެ. އަދި ދަރިވަރުން ނަމޫނާ ދެއްކުމަށް މިނިސްޓަރު އިލްތިމާސް ކުރެއްވިއެވެ.
މިނިސްޓަރު ވިދާޅުވީ ގައުމު ބިނާ ކުރުމަށް މިސަރުކާރުން މަތީތައުލީމަށް ޚާއްސަ ސަމާލުކަމެއް ދޭ އެތަކަށް ފުރުސަތުތަކެއް ފަހިކޮށްދޭ ކަމަށެވެ. މިފުރުސަތުތަކުގެ ބޭނުން ހިފުމަކީ ޒުވާނުންގެ ޒިންމާއެއް ކަމަށް މިނިސްޓަރު ވިދާޅުވިއެވެ.
